اسلام آباد(ویب ڈسیک) وزیر مملکت برائے سیفران شہریار آفریدی نے مسلم لیگ (ن) کے رہنما رانا ثناءاللہ کی گرفتاری سے متعلق مزید چند تفصیلات میڈیا کے سامنے رکھ دیں۔ڈی جی انسداد منشیات فورس (اے این ایف) عارف ملک کے ہمراہ پریس کانفرنس کرتے ہوئے شہریار آفریدی نے بتایا کہ رانا ثناءاللہ کی گاڑی کی تین ہفتے مستقل نگرانی اور مانیٹرنگ کی گئی، تین بار ان کی گاڑی میں خواتین تھیں اس لیے گرفتاری نہیں ہوئی، ویڈیو اور تصاویر کا ریکارڈ موجود ہے۔انہوں نے کہا کہ فیصل آباد میں ایک گرفتاری ہوئی جس میں تین مہینے تک تفتیش ہوئی، اگر آج ہم ساری تفصیل دے دیں گے تو ان سے جڑے نام سب بھاگ جائیں گے اور جو لوگ رانا ثناءاللہ کے لیے آواز اٹھا رہے ہیں وہ ان 1200 لوگوں کے بارے کیوں نہیں بولے جو گرفتار ہیں، لوگ کہتے ہیں کہ ریمانڈ کیوں نہیں لیا؟ ہمارے پاس سب کچھ موجود ہے،۔شہریار آفریدی کا کا کہنا تھا کہ یہ مقامی اور بین الاقوامی سطح کا بہت بڑا ریکٹ ہے، منشیا ت کا ناسور ملک کو تباہ کررہا ہے، کوئی قانون سے بالاتر نہیں اور کوئی نہیں بچے گا، جو بھی اس ملک کے ساتھ خیانت کرے گا اسے ہم مثال بنائیں گے۔

اسلام آباد(ویب ڈیسک) چیئرمین نیب کا کہنا ہے کہ مہینوں سے برسراقتدار رہنے والوں کا بھی احتساب ہورہا ہے لیکن 35 سال سے برسراقتدار رہنے والوں کا حساب پہلے ضروری ہے۔ اسلام آباد میں تقریب سے خطاب کرتے ہوئے چیئرمین نیب جسٹس ریٹائرڈ جاوید اقبال کا کہنا تھا کہ نیب کسی بھی قسم کی سیاسی انتقام پر یقین نہیں رکھتی، نیب یکطرفہ کارروائیاں کر رہی ہے تو ثابت کریں، اگر آپ نے کرپشن کی ہے تو نیب کارروائی کرے گا، کیا نیب نے کبھی ارکان پارلیمنٹ یا سیاستدانوں سے ملاقات کی، لوگوں کی نیب کو سیاست زدہ قرار دینے کی کوشش ناکام ہوئی اور جس سے ملاقاتیں ثابت ہو جائیں استعفیٰ دے دوں گا۔چیئرمین نیب نے کہا کہ چند اراکین پارلیمنٹ کے خلاف نیب کے کیسز رجسٹرڈ ہیں، شہادتیں موجود ہوں تو کیا نیب آنکھیں بند کر لے، کروڑوں اربوں روپے کی منی لانڈرنگ کی گئی ہے، وقت آنے پر عدالت میں منی لانڈرنگ کے ثبوت پیش کریں گے، پروڈکشن آرڈر پر باہر آنے والے کہتے ہیں سیاسی انتقام لیا جا رہا ہے، چند لوگوں کو اکٹھا کرکے وکٹری کا نشان بنانے سے آپ بے قصور ثابت نہ ہو سکتے جب کہ بیوروکریسی اپنا کام ٹھیک کرے تو نیب آپ کی طرف کیوں دیکھے گی لیکن جو کرے گا وہ بھرے گا یہ نیب کی پالیسی ہے۔جسٹس ریٹائرڈ جاوید اقبال کا کہناتھا کہ ہمارے پاس شواہد موجود ہیں کروڑوں اور اربوں کی منی لانڈرنگ کچھ لوگ کہتے ہیں نیب کو ختم کر دینا چاہیے، نیب کو ملنے والا ایک ایک پیسہ جائز کام پر خرچ ہوتا ہے، بجٹ کی شکل میں ملنے والے پیسے قوم کی امانت ہیں، جو نیب پر خرچ ہو رہا ہے نیب اس سے کئی گنا واپس لوٹا رہا ہے، نیب اس وقت خزانے میں 326بلین کی رقم جمع کرا چکا ہے، کرپشن کا حساب نہ لیا جائے تو نیب خود مجرم ہے، نیب کی وجہ سے آج لوگوں کو ان کی رقوم مل رہی ہیں۔چیئرمین نیب نے کہا کہ ملک کو لوٹنے والوں کو کوئی چھوٹ نہیں دی جائے گی، نیب کے نزدیک سب برابر ہیں چاہے وہ برسر اقتدارہیں یا نہیں، مہینوں سے برسراقتدار کا بھی احتساب ہورہا ہے لیکن 35 سال سے برسراقتدار رہنے والوں کا حساب پہلے ضروری ہے، ہم نے فیس نہیں کیس دیکھا ہے، شہادتیں نہیں ملیں تو کیس داخل دفتر کردیا گیا لیکن جن کے پاس موٹرسائیکل تھی ان کی دبئی میں جائیداد نکل آئے تو کیا نیب ان سے نہ پوچھے، ملزم کے ہاتھ جتنے چاہے لمبے ہوں قانون سے لمبے نہیں، ماضی میں لیے گئے 100 ارب ڈالرذاتی طور پر خرچ کیے گئے اور اگر 100 ارب ڈالرز خرچ ہوئے ہوتے تو اسپتالوں،درسگاہوں کی حالت بدلی ہوئی ہوتی۔

لاہور(ویب ڈیسک)پاکستان میں 60 برسوں میں 12 ٹیکس ایمنسٹی اسکیمیں متعارف کرائی گئیں مگر بے نامی ایکٹ کے نفاذ نے حالیہ ایمنسٹی اسکیم کو منفرد بنادیا ہے۔پاکستان میں عوام کو اپنے بے نامی اثاثے ظاہر کرنے اور ٹیکس نیٹ میں شامل کرنے کے لئے گزرے60 برسوں میں ملک میں 12 ایمنسٹی اسکیمیں لائی گئی ہیں۔1958 میں لائی گئی پہلی ایمنسٹی اسکیم میں ایک ارب سے زائد جبکہ حالیہ ایمنسٹی اسکیم سے 70 ارب روپے سے زائد ٹیکس ریونیو اکٹھا کرنے کا دعویٰ کیا گیا ہے۔دنیا بھر میں کسی بھی ایمنسٹی اسکیم کا واحد مقصد صرف ٹیکس اکٹھا کرنا ہی نہیں بلکہ ملکی معیشت کو دستاویزی شکل میں ڈھالنا ہوتا ہے۔تحریک انصاف کی حکومت کی جانب سے متعارف کروائی گئی حالیہ ٹیکس ایمنسٹی اسکیم کی مدت 45 دن تھی جس میں 3 دنوں کا اضافہ بھی کیا گیا۔اس اسکیم میں 1 لاکھ 37 ہزار سے زائد افراد نے خود کو رجسٹر کروایا۔ جن میں سے ایک لاکھ سے زائد افراد نان فائلرز تھے یوں ملک کے ٹیکس نیٹ میں ایک لاکھ افراد کا اضافہ ہوا۔تازہ ترین ایمنسٹی اسکیم میں 3 ہزار ارب روپے مالیت کے اثاثے ظاہر کئے گئے۔ ملک کے ٹیکس ریونیو میں 70 ارب روپے کا اضافہ ہوا۔ اس ایمنسٹی اسکیم سے فائدہ اٹھانے والوں میں چھوٹے شہروں کے رہائشی، مڈل کلاس کے افراد اور انکم گروپ کے لوگ بڑی تعداد میں شامل ہیں۔مسلم لیگ نواز کے دور میں متعارف کروائی جانے والی گزشتہ ایمنسٹی اسکیم کی مدت 110 دن تھی۔ اس اسکیم سے 80 ہزار افراد نے فائدہ اٹھایا اور 124 ارب روپے کا ٹیکس ریونیو اکٹھا کیا گیا۔ گزشتہ ایمنسٹی اسکیم سے فائدہ اٹھانے والوں میں زیادہ تر بڑے شہروں کے رہائشی اور بڑے تاجر حضرات شامل تھے۔پاکستان میں اب تک 12 ایمنسٹی اسکیمز لائی گئیں۔ تاہم ماضی میں بے نامی ایکٹ نہ ہونے کے باعث بے نامی داروں کے خلاف موثر قانونی کارروائی ممکن نہ تھی۔دو برس قبل 2017 میں آنے والے بے نامی ایکٹ کے رولز مارچ 2019 میں فائنل ہوئے۔ یوں حالیہ ایمنسٹی اسکیم کی مدت ختم ہونے پر بے نامی ایکٹ پورے ملک میں نافذ ہوگیا۔بے نامی جائِداد ثابت ہونے پر 1 سے 7 سال تک قید کی سزا جبکہ غلط معلومات دینے پر چھ ماہ سے پانچ سال تک قید کی سزا ہوسکتی ہے۔بے نامی جائیداد ثابت ہونے پر مارکیٹ ویلیو کے حساب سے 25 فیصد جرمانہ ہوگا جبکہ حکومت کے پاس جائیداد ضبط کرنے کے آپشن بھی موجود ہے۔

اسلام آباد(ویب ڈیسک) 40 ہزار روپے مالیت کے انعامی بانڈز کی واپسی کا طریقہ کار متعارف کرادیا گیا۔وفاقی حکومت نے ختم کیے گئے 40 ہزار روپے مالیت کے انعامی بانڈز کی واپسی کا طریقہ کار متعارف کرادیا جس کے تحت 30مارچ 2020 ءتک ان کااندراج کرایا جاسکے گا۔ان کی واپسی 3 طریقوں سے ہوسکے گی مگر اس کے بدلے رقم نہیں ملے گی۔پہلے طریقے کے تحت قومی بچت کے مراکز سے 40 ہزارکے بانڈ کے بدلے سیونگ سرٹیفکیٹس، سیونگ اکاو¿نٹس سمیت کسی اسکیم میں سرمایہ کاری کرنا ہوگی۔ دوسرے طریقے کے تحت کمرشل بینکوں میں بانڈز واپس کیے جاسکیں گے مگر وہ نقد رقم نہیں دیں گے بلکہ رقم اکاﺅنٹ میں منتقل ہوگی۔ اکاو¿نٹ نہ رکھنے والوں کو اکاﺅنٹس کھلوانا ہوںگے۔ تیسرے طریقے کے تحت اسٹیٹ بینک اور مجازشاخوں پراندراج کرانے کیلیے شناختی کارڈ نمبراور دیگر کوائف دینا ہوں گے، اس کیلیے پروفارما جاری کردیا گیا ہے۔