گٹر بند کرنے کا ”عادی مجرم“ گرفتار

وسکانسن(ویب ڈیسک) امریکا میں ایک شخص عجیب و غریب جرم میں پکڑا گیا ہے۔ اسے ’گٹر بند کرنے کا عادی مجرم‘ قرار دیا گیا ہے جس کے بعد اسے پانچ ماہ قید اور تین ماہ کی سزا سنائی گئی ہے۔پیر کے روز عدالت کی جانب سے سے سزا دیتے ہوئے کہا گیا ہے کہ اس شخص نے اپنے دفتر میں خواتین کے بیت الخلا میں پلاسٹک کی بوتلیں اور دیگر کوڑا بھر کر اسے بند کردیا جس سے گٹر ابل پڑے اور دفتری عملے خصوصاً خواتین کو شدید مشکلات کا سامنا کرنا پڑا۔26 سالہ پیٹرک ڈی بیمان پر اصل میں 12 مقدمات تھے جن کی اکثریت جائیداد کو نقصان پہنچانے سے متعلق تھی تاہم بعد میں 7 مقدمات ختم کردیئے گئے تھے۔ سزا پانے کے بعد پیٹرک نے کہا، ’میں ہر روز اپنے جرم کی معافی کے لیے دعا کرتا ہوں۔‘ تاہم پولیس یہ نہیں بتاسکی کہ اس نے یہ سب کیوں کیا۔ اس پر پیٹرک کا جواب تھا کہ اس کا دل چاہتا تھا کہ وہ ایسا ہی کرے۔سب سے پہلے مارچ 2018 میں ڈیلینڈ کمیونٹی سینٹر میں خواتین کے واش روم بند ہوا اس کے بعد ایسے متعدد واقعات ہوئے اور ہر پار گٹر کھولنے پر کمیونٹی سینٹر کے 200 ڈالر خرچ ہوئے جو پاکستانی رقم میں 30 ہزار کے برابر ہیں۔ پیٹرک نے پانچ مرتبہ ایسا کرنے کا اعتراف کیا۔اگرچہ سرکاری وکیل نے اس کے لیے 30 دن قید کی اپیل کی تھی لیکن جج نے اسے مزید سخت سزا دیتے ہوئے کہا کہ اسے کسی بحالی کے مرکز میں تین سال گزارنے چاہیے۔ ساتھ میں 150 روز کی قید بامشقت دی گئی ہے۔ اس کے علاقہ 5500 ڈالر جرمانہ اور 100 گھنٹے معاشرے کی خدمت بطورسزا دی گئی ہے۔