اسلام آباد(نامہ نگار خصوصی )نیشنل یونیورسٹی آف سائنسز اینڈ ٹیکنالوجی (نسٹ) نے کیو ایس
ایشیا یونیورسٹی رینکنگز 2027 میں جنوبی ایشیا کی دوسری بہترین یونیورسٹی بن کر ایک اور تاریخی سنگِ میل عبور کر لیا ہے۔ تعلیمی و تحقیقی میدان میں نمایاں پیش رفت کا مظاہرہ کرتے ہوئے، نسٹ ایشیا کی سرفہرست 100 اعلی تعلیمی درسگاہوں میں جگہ بنانے والی پاکستان کی واحد یونیورسٹی بھی بن گئی ہے، جبکہ مسلسل نویں سال ملک کی نمبر ون یونیورسٹی کا اعزاز برقرار رکھا ہے۔جنوبی ایشیا کی درجہ بندی میں یونیورسٹی کی یہ غیر معمولی ترقیجو 2023 میں ساتویں پوزیشن سے 2027 میں دوسری پوزیشن تک پہنچی ہیاس کے اعلی تعلیمی معیار، بااثر تحقیق اور عالمی سطح پر مثر روابط کے عزم کی عکاسی کرتی ہے۔ یہ مسلسل پیش رفت این یو ایس ٹی کی فیکلٹی، محققین، عملے اور طلبہ کی ان تھک محنت، دور اندیش قیادت اور مشترکہ کاوشوں کا ثبوت ہے۔یہ تازہ ترین کامیابی پاکستان میں اعلی تعلیم کے معیار کو مزید بلند کرنے کینسٹ کے عزم کو تقویت دیتی ہے۔ مستقبل کی جانب گامزن، یونیورسٹی بین الاقوامی تعلیمی منظر نامے پر اپنا مقام مزید مضبوط کرنے کے ساتھ ساتھ عالمی تحقیقی شراکت داریوں کو وسعت دینے، تعلیمی افق کو پھیلانے اور قومی ترقی میں کلیدی کردار ادا کرنے کے لیے پرعزم ہے۔
