راولپنڈی(سٹی رپورٹر)راولپنڈی پولیس کی ڈکیتی و موٹر سائیکل چوری کی وارداتوں میں ملوث گینگز کے خلاف کارروائیاں، 3 گینگز کے 5 ملزمان گرفتار،13 مسروقہ موٹر سائیکل و رقم اور موٹر سائیکلوں کے پارٹس برآمد۔ تفصیلات کے مطابق نیوٹان پولیس نے 2 گینگز کے 3 ملزمان کو گرفتار کرکے 11 مسروقہ موٹر سائیکل اور پارٹس برآمد کیے، صادق آباد پولیس نے دو رکنی گینگ سے 2 مسروقہ موٹر سائیکل اور رقم برآمد کی،ملزمان کو ٹھوس شواہد کے ساتھ چالان عدالت کیا جائے گا۔
