جاز ورلڈ نے تیسری سہ ماہی میں 144.9 ارب روپے کی آمدن حاصل کی

اسلام آباد(نامہ نگار خصوصی )جاز ورلڈ نے 2026 کی تیسری سہ ماہی میں 144.9 ارب روپے کی آمدن حاصل کی، جو گزشتہ سال کے اسی عرصے کے مقابلے میں 26.6 فیصد زیادہ ہے۔ ڈیجیٹل سروسز سے آمدن 47.9 فیصد اضافے
کے ساتھ 58.1 ارب روپے ہوگئی، جس کا مجموعی آمدن میں حصہ 40.1 فیصد رہا۔ گزشتہ سال اسی عرصے میں یہ حصہ 34.3 فیصد تھا۔ سہ ماہی کے دوران ای بی آئی ٹی ڈی اے (EBITDA) بھی 23.9 فیصد اضافے کے ساتھ 65.2 ارب روپے تک پہنچ گیا۔ٹیلی کام اور انفراسٹرکچر سے حاصل ہونے والی آمدن میں سالانہ بنیاد پر 15.5 فیصد اضافہ ہوا اور یہ 86.8 ارب روپے رہی۔ جاز کے موبائل صارفین کی تعداد 5.1 فیصد اضافے کے ساتھ 7 کروڑ 64 لاکھ ہوگئی، جبکہ 4G اور 5G صارفین کی تعداد 8.1 فیصد بڑھ کر 5 کروڑ 95 لاکھ تک پہنچ گئی۔ فی صارف اوسط ڈیٹا استعمال 11.7 فیصد اضافے کے ساتھ 8.4 جی بی ہوگیا۔ جاز کے پریمیم ڈیجیٹل برانڈ راکس کے فعال صارفین کی تعداد بھی 62.8 فیصد اضافے کے ساتھ 33 لاکھ تک پہنچ گئی۔جاز ورلڈ نے سہ ماہی کے دوران اپنی سرمایہ کاری میں سالانہ بنیاد پر 68.9 فیصد اضافہ کیا، جس کے بعد یہ 20.9 ارب روپے ہوگئی۔ اس میں سے 18.6 ارب روپے ٹیلی کام اور انفراسٹرکچر کے شعبے میں لگائے گئے۔ اس سرمایہ کاری سے نئے حاصل کردہ اسپیکٹرم کے استعمال، نیٹ ورک کی گنجائش میں اضافے اور 5G سروسز کے پھیلا میں مدد ملی۔ اب تک ایک ہزار سے زائد 5G سائٹس قائم کی جاچکی ہیں۔جاز کیش، موبی لنک بینک اور جاز شور انشورنس (سابقہ ٹی پی ایل انشورنس) کے تحت مالیاتی خدمات سے آمدن 67.6 فیصد اضافے کے ساتھ 43.4 ارب روپے ہوگئی۔ اس اضافے میں قرضوں، ادائیگیوں، تاجروں کو فراہم کی جانے والی خدمات اور انشورنس کے شعبوں میں ترقی نے اہم کردار ادا کیا۔ پاکستان میں کمپنی کے مالیاتی خدمات کے کاروبار کا مجموعی قرضوں کا حجم 30 ستمبر تک 51.9 فیصد اضافے کے ساتھ 134.6 ارب روپے ہوگیا۔جاز کیش نے اپنی ڈیجیٹل مالیاتی خدمات کے نظام کو مزید وسعت دی۔ سہ ماہی کے دوران اس کے برانچ لیس بینکنگ اکانٹس کی تعداد 6 کروڑ 50 لاکھ رہی، جن میں 3 کروڑ 4 لاکھ فعال صارفین شامل تھے۔ اس عرصے میں جاز کیش کی مجموعی لین دین کی مالیت (Gross Transaction Value) سالانہ بنیاد پر 79.2 فیصد اضافے کے ساتھ 6.9 کھرب روپے ہوگئی۔ تاجروں کے نیٹ ورک میں بھی اضافہ ہوا اور ان کی تعداد تقریبا 20 لاکھ تک پہنچ گئی، جن میں 9 لاکھ 57 ہزار فعال تاجر شامل تھے۔ جاز کیش نے سہ ماہی کے دوران روزانہ 2 لاکھ 30 ہزار سے زائد نینو قرضے بھی جاری کیے۔جاز ورلڈ کے لائف اسٹائل سے متعلق کاروباروں میں سم اوساکے فعال صارفین کی تعداد گزشتہ سال کے مقابلے میں 22.1 فیصد اضافے کے ساتھ 3 کروڑ 63 لاکھ ہوگئی۔ تماشا کے سہ ماہی کے دوران فعال صارفین کی تعداد 3 کروڑ 39 لاکھ رہی، جبکہ فکر فری نے 1 کروڑ 68 لاکھ منفرد پالیسی ہولڈرز کو خدمات فراہم کیں۔جاز ورلڈ کے چیف ایگزیکٹو آفیسر عامر ابراہیم نے کہا:”جب ہم نے جاز ورلڈ کو ڈیجیٹل سروسز کے پلیٹ فارم کے طور پر متعارف کرایا تو ہمارا مقصد اسے لوگوں کے ہماری خدمات استعمال کرنے کے موجودہ انداز کی عکاسی کرنے والا بنانا تھا۔ آج ہماری آمدن کا 40 فیصد ڈیجیٹل سروسز سے حاصل ہوتا ہے۔ جاز کیش کے ذریعے ادائیگی وصول کرنے والا دکاندار ہو یا تماشا پر کرکٹ دیکھنے والا خاندان، دونوں کا انحصار ایک قابلِ اعتماد کنکشن پر ہے۔ یہی وجہ ہے کہ ہمارے نیٹ ورک میں سرمایہ کاری ہماری ترقی کا بنیادی حصہ ہے۔آنے والے وقت میں آرٹیفشل انٹیلجنس کے سب سے امید افزا استعمالات میں سے ایک یہ ہے کہ لوگوں کو اپنی زبان میں مدد حاصل کرنے کا موقع دیا جائے۔ پہلی بار کوئی ڈیجیٹل سروس استعمال کرنے والے شخص کے لیے یہ سہولت بہت بڑا فرق پیدا کرسکتی ہے۔ یہ پاکستان میں ذہانت اور ٹیکنالوجی تک رسائی کے فرق کو کم کرنے کا ایک عملی طریقہ ہے۔”