سعودی وزیر خارجہ عادل الجبیر کل پاکستان پہنچیں گے

اسلام آباد: (ویب ڈیسک)سعودی وزیر خارجہ عادل الجبیرایک دوزہ دورے پر کل پاکستان پہنچ رہے ہیں۔سعودی سفارتخانے کی طرف سے جاری بیان میں کہا گیاہے کہ سعودی وزیر خارجہ عادل الجبیر وزیراعظم عمران ، وزیر خارجہ شاہ محمود قریشی اور آرمی چیف جنرل قمر جاوید باجوہ سے ملاقاتیں کریں گے۔سعودی وزیر خارجہ پاکستانی قیادت سے باہمی دلچسپی کے دوطرفہ امور پر تبادلہ خیال کریں گے۔واضح رہے کہ آج وزیراعظم عمران خان کا بھی سعودی ولی عہد محمد بن سلمان سے ٹیلیفونک رابطہ ہوا ہے جس میں مقبوضہ کشمیر کی تازہ صورت حال پر بات چیت ہوئی۔