کراچی:(ویب ڈیسک) گزشتہ روزآزاد کشمیر میں آنے والے خوفناک زلزلے نے پورے پاکستان کو ہلا کررکھ دیا۔ زلزلے کے نتیجے میں کئی معصوم جانیں اپنی زندگی کی بازی ہار چکی ہیں جب کہ سیکڑوں افراد زخمی ہیں۔ زلزلے کے باعث ہونے والی تباہی سے جہاں پوری قوم غمزدہ ہے وہیں شوبز سے وابستہ فنکاربھی مشکل کی اس گھڑی میں پاکستان اور اپنے لوگوں کے ساتھ کھڑے ہیں اور خدا سے پاکستان کی حفاظت کے لیے دعا گو ہیں۔پاکستان کے نامور گلوکارو اداکار علی ظفر نے زلزلے سے ہونے والی تباہی اور قیمتی جانوں کے نقصان پر افسوس کا اظہار کیا ہے۔اداکارہ ماہرہ خان نے زلزلہ متاثرین کے لیے دعا کی، اس کے ساتھ ہی انہوں نے اپنے اکاو¿نٹ پرا?زاد کشمیر میں ہنگامی صورتحال کے نتیجے میں استعمال کیے جانے والے ایمرجنسی نمبرزبھی شیئر کرائے اور پاکستانیوں کو احساس دلایا کہ وہ ہر مشکل گھڑی میں اپنی قوم کے ساتھ کھڑی ہیں۔ہمایوں سعید نے زلزلہ متاثرین کی حفاظت کی دعا کرتے ہوئے کہا اللہ ہم سب کو قدرتی ا?فات سے بچائے اور ہماری حفاظت کرے۔اداکارہ ارمینا خان نے کہا میری دعائیں زلزلہ متاثرین کے ساتھے ہیں۔ زلزلے کے بعد جو تصاویر سامنے ا?رہی ہیں انہیں دیکھ کر میں سخت صدمے میں ہوں۔ ارمینا خان نے سب کو اپنی حفاظت کرنے کی تلقین کی۔اداکارشان نے بھی گزشتہ روز ا?نے والے زلزلے پر اپنی تشویش کا اظہار کیا اور سب کی حفاظت کے لیے دعا کی۔
