تازہ تر ین

امریکی سفارتخانہ کی گاڑی کی ٹکر سے 2افراد جاں بحق 4زخمی

اسلام آباد (نیٹ نیوز) وفاقی دارالحکومت اسلام آباد میں سفارتخانے کی گاڑی اور کار می تصادم سے 2 افراد جاں بحق جبکہ 4 افراد زخمی ہو گئے ہیں۔ واقعہ تیزی رفتاری کی وجہ سے پیش آیا۔ ذرائع کے مطابق امریکی سفارتخانے کی سفید رنگ کی گاڑی نے اشارہ بند ہونے کے باوجود سامنے سے آنے والی کار کو ٹکر ماری۔ حادثے میں خاتون سمیت 2 افراد جاں بحق جبکہ دیگر 4 افراد زخمی ہو گئے۔ زخمیوں کو طبی امداد کیلئے پمز ہسپتال منتقل کر دیا گیا ہے۔ جاں بحق ہونے والے افراد کی تاحال شناخت نہیں ہو سکی ہے۔ پولیس نے سفارتخانے کی گاڑی کو مزید کارروائی کیلئے تھانے منتقل کر دیا گیا ہے۔ پولیس حکام کا کہنا ہے کہ امریکی سفارتخانے کی گاڑی امجد نامی ڈرائیور چلا رہا تھا جسے گرفتار کر کے تفتیش شروع کر دی گئی ہے۔ جاں بحق خاتون کی لاش اور زخمی شخص کو قریبی ہسپتال منتقل کر دیا گیا ہے۔ پولیس کا کہنا ہے کہ حادثے کے وقت امریکی سفارتخانے کی گاڑی ایک پاکستانی ڈرائیور چلا رہا تھا۔ گاڑی میں موجود سفارتکار کو حراست میں لے لیا گیا ہے۔ پولیس اور ریسکیو کی ٹیمیں جائے وقوعہ پر پہنچ گئی اور حادثے کی تحقیقات جاری ہیں۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved