شہر کامشہور ہسپتال کورونا ٹیسٹ کی پہلی سرکاری علاج گاہ بن گیا

لاہور(ویب ڈیسک)کورونا وائرس کے خوف کی فضا میں ایک اچھی خبر بھی سامنے آگئی، جناح ہسپتال کورونا ٹیسٹ کی پہلی سرکاری علاج گاہ بن گیا۔تفصیلات کے مطابق چین کے صوبے ووہان سے جنم لینے والی خطرناک بیماری کورونا وائرس دنیا کے 192 ممالک میں پھیل چکی ہے، دنیا بھر میں اب تک اس وائرس کے382057 سےزائد کیسز رپورٹ ہوچکے ہیں جبکہ ہلاکتوں کی تعداد 16568ہزار سے تجاوز کرگئی ہے، مہلک وائرس سے صحت یاب ہونے والوں کی102501 تعداد ہے،پنجاب میں کورونا وائرس کے کیسز کی تعداد 249 ہوگئی ہے،سنگین صورت حال کے پیش نظرجناح ہسپتال کا کورونا وائرس سے متاثرہ افراد کے لئے پہلی سرکاری علاج گاہ بن گیا۔چیئرمین بورڈ آف مینجمنٹ گوہر اعجاز کے ذاتی عطیہ سے لیبارٹری فعال،ٹیسٹ مفت ہونگے جبکہ مریضوں کو رپورٹ 8 گھنٹے میں ملے گی، ڈاکٹرز اور طبی عملے کے لئےحفاظتی کٹ بھی فراہم کی جائیں گی،علامات کے حامل مریضوں کے لئے الگ آو¿ٹ ڈور قائم کردیا گیا، چیئرمین بورڈگوہر اعجاز نےشہریوں سے اپنی اور اہل خانہ کی حفاظت کے لئے سیلف لاک ڈاو¿ن کی اپیل کی ہے۔گزشتہ روز کورونا وائرس کے علاج کے حوالے سے ہونے والی جدید تحقیق میں سامنے آ ئی جس کے مطابق 2 ادویات کلوروکین اور ازتھرومائی سین کا استعمال کورونا وائرس کا شکار مریضوں کے لئے موثر ہے،اس حوالے سےمعروف فزیشن پروفیسر ڈاکٹرظفر اقبال کا کہناتھا کہ چین اور امریکہ میں ہونے والے تحقیق میں سامنے آیا ہے کہ دونوں ادویات کا استعمال کرنے سے سو فیصد مریض صحتیاب ہوئے ہیں تاہم ان ادویات کا استعمال ڈاکٹرکی نگرانی میں ہونا چاہئے۔