لاہور (ویب ڈیسک) لاہور کی اکثر آٹا چکیوں پر گندم کی دستیابی کا مسئلہ سر اٹھانے لگا ہے جس سے آٹے کے بحران کا خطرہ پیدا ہوگیا ہے۔ دوکانداروں کا کہنا ہے کہ گندم کی عدم فراہمی کی وجہ سے قلت ہو رہی ہے۔ ملک بھر میں لاک ڈاو¿ن کے سبب سپلائی متاثر ہونے سے چکیوں پر گندم نایاب ہوگئی جس کے باعث اب شہر کی اکثر چکیوں پر آٹا نہیں مل رہا۔ دکانداروں کا کہنا ہے کہ حکومت کوبنیادی ضروریات کی ہر وقت فراہمی کے لئے سپلائی چین کو بحال رکھنے کے انتظامات کرنے چاہئیں تاکہ عوام اس مشکل گھڑی میں مزید مشکلات کا شکار نہ ہوں۔ گندم کی کمی کے باعث آٹے کی قیمت میں فی کلو 5 سے 10 روپے اضافہ ہوگیا ہے جبکہ گندم کی قیمت فی من 2200 سے بھی اوپر جا رہی ہے۔
