ڈربی ویب ڈیسک : وکٹ کیپر بلے باز محمد رضوان نے کہا ہے کہ سرفراز احمد کی ٹیم میں موجودگی کا کوئی دباو نہیں ہے، انگلینڈ میں ٹیسٹ میچ میں سنچری اسکور کرنا خواہش ہے۔
وکٹ کیپر بلے باز محمد رضوان کا ویڈیو لنک کانفرنس سے بات چیت کرتے ہوئے کہنا تھا کہ کوویڈ 19 کی مشکل صورت حال کے بعد انگلینڈ ٹور اہم ہے اور انگلینڈ میں ہمیں ٹریننگ اور پریکٹس کے لئے بہترین سہولیات فراہم کی گئی ہیں،پریکٹس اور انٹر اسکواڈ میچ سے اعتماد بحال ہورہا ہے۔
ان کا مزید کہنا تھا کہ سرفراز احمد کی ٹیم میں موجودگی کا کوئی دباو نہیں ہے،خواہش ہے کہ جس کو موقع ملے وہ ٹیم کےلئے پرفارم کرے،انگلینڈ میں ٹیسٹ میچ میں سنچری اسکور کرنا خواہش ہے۔
