All posts by Faisal Khan

حکومتی رکن عامر لیاقت کی غریبوں کو 3 ہزار ماہانہ دینے پر مذاق اڑانے کی ویڈیو وائرل

لاہور(ویب ڈیسک)رہنما تحریک انصاف عامر لیاقت کی ایک بار پھر اوچھی ہتکنڈی سامنے آگئی ہے۔ اداکار مانی کے ساتھ ویڈیو لیک، موصوف خان صاحب کے دیے ہوئے 3 ہزار

روپے کا مذاق اڑا رہے ہیں۔ باقی سب چیزیں قابل برداشت ہیں لیکن اس مشکل میں حکومت جو غریبوں کو راشن کیلئے پیسے دے رہی اس کا مذاق اڑانا بالکل برداشت نہیں۔

”می ٹو مہم “ہولی وڈ کے متنازع پروڈیوسر ہاروی وائنسٹن کو ریپ اور جنسی حملے کے تحت 23 سال قید کی سزا سنا دی گئی

لندن (ویب ڈیسک)می ٹو مہم کے آغاز کا باعث بننے والے ہولی وڈ کے متنازع پروڈیوسر ہاروی وائنسٹن کو ریپ اور جنسی حملے کے تحت 23 سال قید کی سزا سنا دی گئی۔ہاروی وائنسٹن کو گزشتہ ماہ نیویارک کی ایک عدالت نے 2 مختلف خواتین پر جنسی حملے اور ریپ کے مقدمات میں مجرم قرار دیا تھا۔اب 11 مارچ کو 67 سالہ پروڈیوسر وہیل چیئر پر عدالت میں پیش ہوئے اور ان کے وکلا نے نرمی کی درخواست کرتے ہوئے اصرار کیا تھا کہ 5 سال کی کم از کم سزا بھی ہاروی وائنسٹن کے لیے ‘عمرقید’ ثابت ہوگی۔مگر پراسیکیوٹرز نے کہا کہ مجرم کو خواتین پر زندگی بھر کے مظالم پر زیادہ سے زیادہ سزا دی جائے۔ہاروی وائنسٹن نے عدالت میں بیان دیتے ہوئے ‘شدید ندامت’ کا اظہار کیا مگر خود کو ‘مکمل کنفیوز’ قرار دیا۔ہاروی وائنسٹن پر سب سے پہلے اکتوبر 2017 میں خواتین نے ریپ اور جنسی ہراسانی کے الزامات لگائے تھے اور ان پر مجموعی طور پر 80 سے زائد خواتین نے الزامات لگا رکھے ہیں، جن کی پروڈیوسر نے ہمیشہ تردید کی۔ان پر الزامات سامنے آنے کے بعد ہی دنیا بھر میں ’می ٹو مہم‘ کا آغاز ہوا تھا۔ہاروی وائنسٹن کے خلاف کیس 3 الزامات پر مبنی تھا، پہلا 2013 میں ایک ہوٹل کے کمرے میں ایک ابھرتی ہوئی اداکارہ جیسیکا من پر جنسی حملہ اور ریپ، دوسرا 2006 میں پروڈکشن اسسٹنٹ مریم ہیلی کو زبردستی جنسی استحصال کا نشانہ بنانے اور تیسرا 1990 کی دہائی میں اداکارہ اینا بیلا شیورہ کو ان کے اپارٹمنٹ میں ریپ کا نشانہ بنانا تھا۔گزشتہ 2 مقدمات میں پروڈیوسر کو مجرم قرار دیا گیا مگر اینابیلا کے معاملے میں انہیں مجرم نہیں ٹھہرایا گیا۔ہولی وڈ پروڈیوسر کو جیسیکا من کے کیس میں تھرڈ ڈگری ریپ اور مریم ہیلی کے کیسز میں فرسٹ ڈگری جنسی حملے کا مرتکب قرار دیا گیا تھا۔تاہم زیادہ سنگین کیس میں بری کردیا گیا تھا جس میں زیادہ لمبی سزا سنائے جانے کا امکان تھا۔جیوری کے سامنے 6 خواتین پیش ہوئی تھیں اور وہ بدھ کو فیصلے کے وقت بھی عدالت میں موجود تھیں۔ہاروی وائنسٹن کو نیویارک کے بعد لاس اینجلس میں بھی ریپ اور جنسی حملوں کے مزید مقدمات کا سامنا ہے۔

کوئٹہ گلیڈی ایٹرز اور ملتان سلطانز کے درمیان میچ بارش کے باعث منسوخ

کراچی (ویب ڈیسک)کوئٹہ گلیڈی ایٹرز اور ملتان سلطانز کے مابین ایچ بی ایل پی ایس ایل 2020 کا 25واں میچ بارش کے باعث منسوخ کردیا گیا۔قذافی اسٹیڈیم لاہور میں بارش اور آو¿ٹ فیلڈ گیلی ہونے کے باعث دونوں ٹیموں کے درمیان میچ ٹاس کیے بغیر منسوخ ہوگیا۔میچ منسوخ ہونے کے باعث دونوں ٹیموں کو ایک ایک پوائنٹ مل گیا ہے۔ ملتان سلطانز کی ٹیم 12 پوائنٹس کے ساتھ بدستور پوائنٹس ٹیبل پر پہلے اور کوئٹہ گلیڈی ایٹرز کی ٹیم 7 پوائنٹس کے ساتھ آخری نمبر پر موجود ہے۔12 مارچ بروز جمعرات کو کراچی کنگز اور لاہور قلندرز کی ٹیمیں شام 7 بجے نیشنل اسٹیڈیم کراچی میں مدمقابل آئیں گی۔

انٹر بینک میں ڈالر کی اڑان جاری، 158 روپے 60 پیسے کا ہوگیا

کراچی (ویب ڈیسک)انٹر بینک میں روپے کے مقابلے میں ڈالر کی قدر بڑھنے کا سلسلہ بدھ کے روز بھی جاری رہا اور انٹر بینک مارکیٹ میں ڈالر 80 پیسے اضافے سے 158 روپے 60 پیسے کا ہوگیا۔مارکیٹ کے آغاز میں ڈالر کی قدر 157 روپے 80 پیسے تھی جس میں صفر اعشاریہ 51 فیصد اضافہ ہوا۔ڈالر کی قدر چھ ماہ تک مستحکم رہنے کے بعد پیر کے روز سے اس میں اضافہ شروع ہوا تھا اور ایک ہی دن میں روپے کے مقابلے میں ڈالر کی قیمت 3.65 روپے (2.36 فیصد) اضافے سے 157 روپے 90 پیسے پر پہنچ گئی تھی۔اوپن مارکیٹ میں بھی ڈالر کی اڑان جاری ہے اور بدھ کے روز اس کی قدر ایک روپے اضافے سے 158 روپے ہوگئی۔ڈالر کی قدر میں حالیہ اضافے کی وجہ غیر ملکی سرمایہ کاروں کا مارکیٹ سے سرمایہ واپس نکالنے کو قرار دیا جارہا ہے۔ایکسچینج کمپنی آف پاکستان کے سابق جنرل سیکریٹری ظفر پراچا نے کہا کہ ‘غیر ملکی سرمایہ اسٹاک مارکیٹ میں اپنے اثاثے فروخت کر رہے ہیں جس کے باعث ڈالر کی طلب میں اضافہ ہوا ہے۔’ٹی بلز، جن میں اضافے کی غرض سے خطیر رقم لگائی جاتی ہے، وہ بھی ایک ہفتے سے کم وقت میں میچور ہونے جارہے ہیں۔انہوں نے کہا کہ ‘روپے کی قدر میں کمی نہیں ہونی چاہیے تھی کیونکہ ڈالر کی قدر خود یورو کے مقابلے میں کم ہو رہی ہے، تاہم کورونا وائرس کی وبا کے باعث سرمایہ کاروں میں گھبراہٹ پائی جاتی ہے اور افواہوں نے جنم لیا ہے۔’فارکس ایسوسی ایشن آف پاکستان کے صدر ملک بوستان نے بھی اس موقف کی تائید کرتے ہوئے کہا کہ ‘کیونکہ سرکاری بلز میچور ہونے جارہے ہیں، سرمایہ کاروں کی اکثریت مارکیٹ میں دوبارہ سرمایہ کاری کے بجائے اپنا پیسہ نکال رہی ہے جس کے باعث انٹر بینک میں ڈالر کی طلب میں اضافہ ہوا ہے۔’خیال رہے کہ گزشتہ روز اسٹیٹ بینک آف پاکستان (ایس بی پی) کی جانب سے بتایا گیا ہے کہ رواں مالی سال کے پہلے 8 ماہ میں ترسیلات زر5.37 فیصد بڑھ کر 15 ارب 12 کروڑ 70 لاکھ ڈالر ہوگئیں۔اگرچہ رواں مالی سال کے 8 ماہ میں سالانہ کے حساب سے آمدنی میں اضافہ ہوا تاہم اضافے کی شرح مالی سال 2019 کے اسی عرصے کے 10.44 فیصد کے مقابلے میں کم رہی۔

شہباز شریف کی قیادت پر کسی نے سوال نہیں اٹھایا، وہ جب تک چاہیں لندن رکیں، احسن اقبال

اسلام آباد(ویب ڈیسک)پاکستان مسلم لیگ (ن) کے جنرل سیکرٹری احسن اقبال کا کہنا ہے کہ ن لیگ کے صدر اور اپوزیشن لیڈر شہباز شریف کی قیادت پر کسی نے سوال نشان نہیں اٹھایا، وہ جب تک محسوس کریں نوازشریف کے علاج کے لیے لندن میں ر±کیں۔پاکستان مسلم لیگ ن کے سیکرٹری جنرل احسن اقبال اور سنیئررہنما سردار ایاز صادق نے پارلیمنٹ ہاو¿س میں واقع چیمبر میں چیئرمین پاکستان پیپلز پارٹی بلاول بھٹو زرداری سے ملاقات کی۔ملاقات میں قومی اسمبلی اجلاس سے متعلق حکمت عملی ،اپوزیشن سے متعلقہ امور اور ملکی سیاسی صورتحال پر تبادلہ خیال کیا گیا۔ذرائع کے مطابق دوران ملاقات ن لیگ کے رہنماو¿ں نے بلاول بھٹو کے نواز شریف اور شہباز شریف سے متعلق بیانات پر ان سے شکوہ کیا تاہم بلاول بھٹو زرداری نے کہا کہ ملکی حالات کا تقاضہ ہے کہ اپوزیشن لیڈر کو ملک میں ہونا چاہیے، ان کی غیر موجودگی سے حکومت کو تنقید کا موقع ملتا ہے۔ملاقات کے بعد میڈیا سے گفتگو کرتے ہوئے احسن اقبال کا کہنا تھا کہ شہباز شریف اپنے بھائی نواز شریف کے علاج کے لیے لندن میں ہیں اور وہ ان کی صحت بہتر ہونے پر واپس آجائیں گے۔احسن اقبال کا کہنا تھا کہ شہبازشریف کا اپنے بھائی کے ساتھ موجود ہونا ان کے علاج کا حصہ ہے، شہبازشریف جب تک محسوس کریں نوازشریف کے علاج کے لیے رکیں،ہم ان سے واپسی کا کوئی مطالبہ نہیں کررہے۔انہوں نے کہا کہ وزیراعلٰی پنجاب عثمان بزدار سے ملنے والے ن لیگی ارکان وہی ہیں جو پہلے بنی گالہ جاچکے ہیں،ان کے خلاف صوبائی پارلیمانی پارٹی نوٹس لےگی۔خیال رہے کہ اپوزیشن لیڈر شہباز شریف اپنے بھائی اور سابق وزیراعظم نواز شریف کے ساتھ گذشتہ سال 19 نومبر سے لندن میں موجود ہیں جہاں نواز شریف کا طبی معائنہ اور مختلف ٹیسٹ کیے جارہے ہیں۔

اب بجلی اور گیس کی قیمتوں میں کمی ہوگی: اسد عمر

اسلام آباد(ویب ڈیسک) وفاقی وزیر برائے منصوبہ بندی اسد عمر کا کہنا ہے کہ مستقبل میں بجلی و گیس کی قیمتوں میں کمی ہوگی اور توانائی کی قیمت میں کمی سے معیشت اور انڈسٹری کو فائدہ ہو گا۔اسلام آباد میں ایک مباحثے سے خطاب کرتے ہوئے اسد عمر نے کہا کہ 2008 کے معاشی بحران کے بعد منصوبہ بندی کی اہمیت میں اضافہ ہوا، ملکی ترقی میں منصوبہ بندی کا اہم کردار ہے، ماضی میں منصوبہ بندی نے پاکستان کی ترقی میں اہم کردار ادا کیا۔انہوں نے کہا کہ پچھلے 50 سال میں معیشت کا بنیادی ڈھانچہ تبدیل ہوا، معیشت میں تبدیلیوں کے باوجود منصوبہ بندی کا کردار کم نہیں ہوا، وزارت منصوبہ بندی کی استعدادکار بڑھانے سے ہی مرکزی کردار ادا کیا جاسکتا ہے۔وفاقی وزیر کا کہنا تھاکہ معیشت میں ریاست کے کردار کو نظرانداز نہیں کیا جاسکتا، تیل کے ذخائر کے باوجود 60 کی دہائی میں خلیجی ممالک غربت کا شکار تھے، ریاست کے مرکزی کردار سے ہی خلیجی ممالک غربت سےنکلے، موجودہ دورمیں چینی معیشت منصوبہ بندی کی بہترین مثال ہے۔اسد عمر نے مزید کہا کہ جب حکومت سنبھالی تو معیشت دیوالیہ تھی، ہم 3 سالہ ترقیاتی اسٹریٹجی پر کام کر رہے ہیں کیونکہ معیشت کے استحکام کے لیے طویل مدتی اصلاحات واحد حل ہیں۔وفاقی وزیر نے دعویٰ کیا کہ اب بجلی اور گیس کی قیمتوں میں مستقبل میں کمی ہوگی، توانائی کی قیمت میں کمی سے معیشت اور انڈسٹری کو فائدہ ہو گا۔

عمران خان کی حکومت کے ضامن نواز شریف ہیں: اعتزاز احسن

حیدرآباد(ویب ڈیسک)پیپلز پارٹی کے رہنما اعتزاز احسن نے کہا ہے کہ عمران خان کی حکومت کے ضامن نواز شریف ہیں۔پیپلز پارٹی کے رہنما اعتزاز احسن اور فاروق ایچ نائیک نے سندھ ہائی کورٹ سرکٹ بینچ حیدرآباد میں میڈیا سے گفتگو کی۔اس موقع پر فاروق ایچ نائیک نے کہا کہ آج 16 پٹیشنز فائل ہوئی ہیں، اقبال زیڈ احمد سمیت 2 افراد گرفتار ہیں۔انہوں نے کہا کہ نیب نے عجیب ریفرنس فائل کیا ہے جس میں سارے بزنس مین ہیں، اعتراض لگایا گیا ہے کہ سیلز ٹیکس زیادہ دیا گیا، اگر سیل ٹیکس زیادہ بھی دیا گیا تو کیا بری بات ہے۔اعتزاز احسن نے اس موقع پر کہا کہ عمران خان کی حکومت کے ضامن نواز شریف ہیں، حکومت اب نواز شریف کو واپس نہیں لا سکتی۔انہوں نے کہا کہ دونوں بھائیوں کی طبیعت بھی ٹھیک ہے، دونوں بھائی ملک سے باہر بھی چلے گئے اور پیسے بھی بچا گئے، یہ وہی نواز شریف ہیں جو یہاں مرے جا رہے تھے اور وہاں یہ لوگ ملاقاتیں کر رہے ہیں۔

قوم کو مبارک ہو (ن) لیگ کے اندر بھی تبدیلی آرہی ہے، فردوس عاشق اعوان

اسلام آباد(ویب ڈیسک) معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ قوم کو مبارک ہو کہ (ن) لیگ کے اندر بھی تبدیلی آرہی ہے۔اپنی ٹوئٹ میں فردوس عاشق اعوان نے کہا کہ آج خود (ن) لیگ کے اندر سے مطالبہ ہورہا ہے کہ قائد حزب اختلاف کو وطن واپس لاو¿۔ (ن) لیگ نے بھی وزیراعظم عمران خان کا بیانیہ اپنالیا ہے۔معاون خصوصی نے کہا کہ قوم کو مبارک ہو۔ (ن) لیگ کے اندر بھی تبدیلی آرہی ہے جو وزیراعظم عمران خان کی سیاسی محنت کی جیت ہے۔واضح رہے کہ گزشتہ روز مسلم لیگ (ن) کی پارلیمانی پارٹی کے اجلاس میں شدید گرما گرمی ہوئی تھی، ارکان پارلیمنٹ نے پارٹی قیادت سے مطالبہ کیا تھا کہ شہباز شریف کو وطن واپس آنا چاہیے۔

جہانگیر ترین سے 20 ہزار ٹن چینی خریدی جائے گی: چیئرمین یوٹیلٹی اسٹورزذوالقرنین علی خان

اسلام آباد (ویب ڈیسک)یوٹیلٹی اسٹورز کارپوریشن کے چیئرمین ذوالقرنین علی خان نے کہا ہے کہ تحریک انصاف کے رہنما جہانگیر ترین سے 20 ہزار ٹن چینی خریدی جائے گی۔میڈیا سے گفتگو میں ذوالقرنین حیدر کا کہنا تھا کہ شوگر ملز مالکان سے بغیر ٹینڈر ایک لاکھ ٹن چینی خریدی جائے گی اور بغیر ٹینڈر کے چینی خریدنے کی سمری منظوری کے لیے کابینہ کو بھجوا دی ہے۔انہوں نے کہا کہ شوگر ملز مالکان یوٹیلٹی اسٹورز کو سستے نرخوں پر چینی دیں گے۔چیئرمین یوٹیلٹی اسٹورز نے بتایا کہ جہانگیر ترین سے 20 ہزار ٹن چینی خریدی جائے گی، جہانگیر ترین نے سب سے کم ریٹ دیے ہیں، وہ چینی 67 روپے فی کلو میں حکومت کو فروحت کریں گے۔انہوں نے کہا کہ جہانگیر ترین کے علاوہ 80 ہزار ٹن چینی مختلف شوگر ملز سے خریدنے کی تجویز ہے جبکہ دوسرے شوگر ملز مالکان 70 روپے فی کلو میں چینی دیں گے۔چیئرمین یوٹیلٹی اسٹورز کے مطابق وفاقی کایبنہ کی منظوری کے بعد چینی خریدی جائے گی۔
ملک میں چینی و گندم بحران
یاد رہے کہ گزشتہ دنوں ملک بھر میں گندم کے بحران کے باعث آٹے کی قیمت 70 روپے فی کلو تک جا پہنچی ہے۔اقتصادی رابطہ کمیٹی نے بحران پر قابو پانے کے لیے 3 لاکھ میٹرک ٹن گندم درآمد کرنے کی منظوری دی ہے تاہم ماہرین کا خیال ہے کہ درآمد شدہ گندم آتے آتے مقامی سطح پر گندم کی فصل تیار ہوجائے گی اور پھر گندم کی زیادتی کی وجہ سے ایک نیا مسئلہ پیدا ہوسکتا ہے۔وزیراعظم عمران خان نے بھی آٹے کے بحران اور قیمتوں میں اضافے کا نوٹس لیتے ہوئے گندم ذخیرہ کرنے والوں کے خلاف سخت کارروائی کرنے کی ہدایت کی ہے۔اس حوالے سے وزیراعظم نے بحران کی وجوہات کا پتہ لگانے کے لیے تحقیقاتی کمیٹی قائم کی تھی اور وزراءکو بحران کی وجوہات جاننے کا ٹاسک سونپا تھا۔ذرائع کے مطابق وزیراعظم عمران خان کو ملک میں جاری آٹا بحران سے متعلق رپورٹ بھجوادی گئی جس کے مطابق آٹا بحران باقاعدہ ایک منصوبہ بندی کے تحت پیدا کیا گیا جس میں افسران اور بعض سیاسی شخصیات بھی ملوث ہیں۔دوسری جانب ملک میں چینی کا بحران بھی سراٹھا رہا ہے جس کے باعث وفاقی حکومت نے چینی کی برآمد پر فوری طور پر پابندی لگانے اور چینی کی درآمد کی اجازت دینے کا فیصلہ کیا تھا تاہم اقتصادی رابطہ کمیٹی (ای سی سی) نے چینی درآمد کرنے کی سمری (تجویز) مسترد کرتے ہوئے چینی برآمد کرنے پر بھی پابندی لگادی ہے۔

چینی صدر نے ووہان میں کورونا پر مکمل کنٹرول فی الحال مشکل قرار دے دیا

ووہان (ویب ڈیسک)چینی صدر شی جن پنگ کا کہنا ہے کہ کورونا سے متاثرہ صوبے ہوبئی اور اس کے شہر ووہان میں وائرس پر مکمل طور پر قابو پانے کا کام ابھی بھی مشکل ہے۔چین کے سرکاری میڈیا کے مطابق چینی صدر شی جن پنگ نے کورونا وائرس سے سب سے زیادہ متاثرہ شہر ووہان میں کورونا وائرس کی وبا پر قابو پانے کے لیے قائم میڈیکل سینٹر کا دورہ کیا۔چینی صدر نے طبی عملے اور ماہرین سے ملاقات کی، اس موقع پر شی جن پنگ کو کورونا وائرس کے علاج اور اس حوالے سے کی جانے والی تحقیق پر بریفنگ دی گئی۔برطانوی خبررساں ادارے کے مطابق چینی صدرکا اس موقع پرکہنا تھا کہ صوبہ ہوبئی اور ووہان میں کورونا وائرس کو کنٹرول کرنے کاکام ابھی بھی مشکل ہے۔شی جن پنگ کا کہنا تھا کہ ہمارا پہلا مقصد ووہان اور ہوبئی میں صورتحال کو تبدیل اور مستحکم کرنا تھا جو کہ ہم حاصل کرچکے ہیں۔مہلک وبا کے باعث صوبہ ہوبئی کی معیشت کو ہونے والے نقصانات پر ان کا کہنا تھا کہ اس سے ہوبئی کی طویل المدتی مثبت رفتار پر کوئی اثر نہیں پڑے گا۔
کورونا وائرس سے چین میں ہلاکتوں کی تعداد 3 ہزار سے تجاوز
واضح رہےکہ چین کے شہر ووہان سے پھیلنے والے کورونا وائرس سے دنیا بھر میں متاثرہ افراد کی تعداد 1 لاکھ 16 ہزار سے زائد ہوچکی ہے جب کہ اس مرنے والوں کی تعداد 4 ہزار سے تجاوز ہوچکی ہے۔مہلک وبا سے سب سے زیادہ افراد چین میں ہی متاثر ہوئے ہیں جن کی تعداد ساڑھے 80 ہزار ہوچکی ہے جب کہ 17 نئی اموات کے بعد چین میں ہلاکتوں کی تعداد 3 ہزار 136 ہوچکی ہے۔
’کورونا وائرس‘ اصل میں ہے کیا؟
عالمی ادارہ صحت (ڈبلیو ایچ او) کے مطابق کورونا وائرسز ایک سے زائد وائرس کا خاندان ہے جس کی وجہ سے عام سردی سے لے کر زیادہ سنگین نوعیت کی بیماریوں، جیسے مڈل ایسٹ ریسپائریٹری سنڈروم (مرس) اور سیویئر ایکیوٹ ریسپائریٹری سنڈروم (سارس) جیسے امراض کی وجہ بن سکتا ہے۔یہ وائرس عام طور پر جانوروں کے ذریعے انسانوں میں منتقل ہوتے ہیں۔ مثال کے طور پر سارس کے حوالے سے کہا جاتا ہے کہ یہ بلیوں کی ایک خاص نسل Civet Cats جسے اردو میں مشک بلاو¿ اور گربہ زباد وغیرہ کے نام سے جانا جاتا ہے، اس سے انسانوں میں منتقل ہوا جبکہ مرس کے بارے میں کہا جاتا ہے کہ وہ ایک خاص نسل کے اونٹ سے انسانوں میں منتقل ہوا۔