پاکستانی ڈراما انڈسٹری کی مقبول اداکاراؤں ایمن خان اور منال خان کے والد انتقال کر گئے۔
دونوں اداکاراؤں کے والد کے انتقال کی خبر ایمن خان کے شوہر اور اداکار منیب بٹ نے اپنے سوشل میڈیا اکاؤنٹس پر جاری پوسٹس میں دی۔
منیب بٹ نے فیس بک پوسٹ اور انسٹاگرام پر جاری اسٹوری کے ذریعے ایمن اور منال کے والد کے انتقال سے آگاہ کیا۔
اداکار منیب بٹ نے بتایا کہ ایمن اور منال کے والد انتقال کرگئے، انہوں نے مزید کہا کہ ان کی نمازِ جنازہ اور تدفین سے متعلق جلد بتایا جائے گا۔
خیال رہے کہ 19 دسمبر کو اداکارہ منال خان نے مداحوں سے والد کی صحتیابی کی دعا کرنے کی اپیل کی تھی۔
منال خان نے انسٹاگرام پر جاری اسٹوری میں کہا تھا کہ میرے والد کے لیے دعا کریں وہ شدید بیمار ہیں۔
خیال رہے کہ منال خان کی جانب سے والد کی بیماری کی نوعیت سے متعلق کوئی تفصیل نہیں بتائی گئی تھی۔
ایمن اور منال خان کے والد کا نام مبین خان تھا اور وہ دونوں اداکاراؤں کی سوشل میڈیا پوسٹس میں بھی اکثر نظر آتے تھے۔
خیال رہے کہ 25دسمبر کو پاکستانی ٹیلیویژن کی اداکاراؤں سارہ خان اور نور ظفر خان کے والد کراچی میں انتقال کرگئے تھے
