لاہور:اداکارہ وینا ملک کے وکیل تنویر کھوکھر نے حکومت پاکستان سے وینا ملک کے سابق شوہر اسد خٹک کو گرفتار کرنے کی اپیل کر دی۔
ادکارہ میرا کی اپیل پر سماعت سیشن کورٹ میں ہوئی اور ایڈیشنل سیشن جج نے سکینڈل کوئین میرا کی درخواست پر سماعت کی۔ادکارہ میرا نے فیملی کورٹ کے فیصلے کو سیشن کورٹ چیلنج کررکھا ہے اور موقف اپنایا ہے کہ عتیق الرحمان نامی شخص سے شادی نہیں کی عدالت نے حقائق کے برعکس فیصلہ سنایا،عتیق الرحمان نامی شخص نے عدالت میں جھوٹ بول کر گمراہ کیا،عدالت سے استدعا ہے کہ فیملی کورٹ کا فیصلہ کالعدم قرار دینے کا حکم دے۔
دوران سماعت وینا ملک کے وکیل تنویر کھوکھر نے حکومت پاکستان سے اسد خٹک کو گرفتار کرنے کی اپیل کر دی اور مؤقف اپنایا کہ اسد خٹک نہ صرف وینا ملک پر پیسوں کے لئے جھوٹے الزامات لگا رہے ہیں بلکہ پاکستان کے اداروں کا بھی نام بدنام کر رہے ہیں،اسد دبئی سے ذلیل اور رسوا ہو کر آیا ہے اور اس کے وارنٹ بھی وہاں سے جاری ہونے والے ہیں،اس خٹک نے میری بہن سے بھی دو ہزار یوروز ادھار لئے ہیں،پیسوں کے لئے تمام ایجنڈا کیا جا رہا ہے جس کو روکا جائے۔
اس موقع پر عدالت نے فریقین کے وکلاء کو بحث کرنے کا آخری موقع دے دیا اور عدالت نے سماعت 18 جنوری تک ملتوی کردی۔
خیال رہے کہ وینا ملک کے سابق شوہر بچوں کی حوالگی کے کیس کی پیروی کےلیے پاکستان واپس پہنچ گئے ہیں اور ونیا ملک اسد خٹک سے2017 میں طلاق لے چکی ہیں۔
ونیا ملک اور اسد خٹک25 دسمبر 2013 کو رشتہ ازداوج سے منسلک ہوئے تھے اور دونوں کے دو بچے ہیں جوچھ سالہ ابراہم خان خٹک اور 5سالہ امل اسد خان خٹک ہیں۔
