تازہ تر ین

کورونا بحران: شکیرا نے 145 گانوں کے حقوق فروخت کردیے

عالمی شہرت یافتہ کولمبین گلوکارہ شکیرا نے کورونا بحران کے پیش نظر 145 گانوں پر مشتمل کیٹلاگ کے حقوق فروخت کردیے۔

شکیرا نے 145 گانوں پر مشتمل کیٹلاگ کے حقوق لندن میں کی ہپگنوسس سونگ فنڈز کو فروخت کیے ہیں۔

اس حوالے سے سرمایہ کار فرم کا کہنا ہے کہ کورونا بحران کی وجہ سے کنسرٹ سے ہونے والی آمدنی کو شدید نقصان پہنچا ہے۔

تین بار گریمی ایوارڈ یافتہ اور 2010 کے فٹبال ورلڈکپ میں شہرہ آفاق گانا واکا واکا گانے والی شکیرانے 80 ملین سے زائد ریکارڈز فروخت کیے ہیں۔

کورونا وائرس کے سبب براہ راست کنسرٹ سے حاصل ہونے والی آمدنی رکنے کے باعث شکیرا سے قبل گلوکار نیل یانگ اور باب ڈیلان بھی اپنے کیٹلاگ حقوق فروخت کرچکے ہیں۔

43 سالہ گلوکارہ شکیرا کا کہنا ہے کہ گلوکاری سے بہت عرصہ قبل 8 سال کی عمر میں دنیا کو احساس دلانے کے لیے لکھا تھا۔

شکیرا کے مطابق ہر گانا اس شخص کی عکاسی کرتا ہے جس وقت میں یہ لکھا تھا لیکن جب کوئی گانا دنیا کے سامنے آجائے تو یہ گانا نہ صرف میرا ہوتا ہے بلکہ یہ ہر اس شخص کا ہے جو اس کی تعریف کرتے ہیں۔

شکیرا نے اپنے بیان میں مزید کہا کہ میں جانتی ہوں کہ ہپگنوسس سونگ فنڈز میرے گانوں کی کیٹلاگ کے لیے بہترین مقام ثابت ہوگا۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved