تازہ تر ین

مریم نواز آرمی چیف کی توسیع کی مخالف حمزہ نے حمایت کردی

لاہور(خبر نگار خصوصی) پنجاب اسمبلی میں قائد حزب اختلاف حمزہ شہباز قلمکار روڈ پرگذشتہ روزلیگی رہنما حاجی شرافت لیاقت بھٹی کے گھر گئے،جہاں انہوں نے ایم پی اے رمضان بھٹی کے تایا زاد بھائی حاجی نور محمد بھٹی کے انتقال پر اہلخانہ سے تعزیت کی،اس موقع پر حمزہ شہباز نے حاجی نور محمد بھٹی مرحوم کے ایصال ثواب کیلئے فاتحہ خوانی ان کی مغفرت اور درجات کی بلندی کے لئے دعا بھی کی،بعدازاں پنجاب اسمبلی میں اپوزیشن لیڈر حمزہ شہباز نے میڈیا سے گفتگو کرتے ہوئے کہا کہ آج قوم ایک ایسے دور سے گزر رہی ہے جو کبھی دیکھا نہ سنا، آئے روز آٹے چینی اور بجلی کی قیمت بڑھ رہی ہے، گیس کے گھریلو صارفین کے پینتیس فیصد قیمتیں بڑھ رہے ہیں، یہ پی ٹی آئی کی حکومت نہیں پی ٹی آئی کا عذاب ہے، پچاس لاکھ گھر اور ایک لاکھ نوکریاں کہاں ہے، ان کا کہنا تھا کہ حکومت کے چینی آٹا پشاور میٹرو کے اربوں روپے نظر آتے ہیں، قوم ڈینگی بھول گئی تھی شہبازشریف نے ڈینگی کامقابلہ کیا، ادویات چار سو فیصد تک اضافہ ہوچکا ہے مہنگائی کا طوفان تھمنے کا نام نہیں لے رہا، پی ٹی آئی حکومت کے عذاب سے نجات دلاناؤگی، انہوں نے مزید کہا کہ عوامی رابطہ مہم سبز باغ چکنا چور ہوگئے ایسے ملک آگے نہیں چل سکتا سیاسی جماعتوں کو کردار ادا کرنا ہوگا، ایک سوال پر انہوں نے کہا کہ مفاہمت کامطلب دو سال جیل میں چلے جائیں ہم سیاسی جدوجہد پربقین رکھتے ہیں،2018ء کا پہلا داغدار الیکشن تھا، مفاہمت کا مطلب آئندہ انتخابات میں سب کو موقع ملنا اور صاف و شفاف الیکشن ہونا چاہئیے،پنجاب اسمبلی میں اپوزیشن لیڈر کا مزید کہنا تھا کہ آرمی چیف ایکسٹیشن کا فیصلہ پارلیمنٹ میں ووٹ دینے کا قیادت کا فیصلہ تھا، قومی مفاد کے پیش نظر ووٹ دیا جو درست فیصلہ تھا، اپوزیشن نے پی ڈی ایم پلیٹ فارم ایوانوں میں احتجاج کیا موقع دیا تاکہ یہ لوگ ایکسپوز ہوں،مہنگائی مسئلہ نمبر ون ہے کرپشن میں عوام کو الجھایاجاتاہے، پنجاب حکومت میوزیکل چئیر بن گئے ایک دن میں اٹھارہ کمشنر اور چیف سیکرٹریز تبدیل ہوتے ہیں، ریپ کے کیسز عام حکومت امن و امان میں ناکام کیونکہ پولیس کو رشوت سے لگایاجاتاہے، حکومت کی کوئی کورونا پالیسی نہیں جس پر ریڈ لسٹ میں ڈالا جاتاہے، حکومتی وزراء کہتے دنیا بھر میں مہنگائی ہے لیکن پاکستان کی معیشت زمیں بوس ہو چکی ڈالر ایک سو ستر روپے کا ہوچکا ہے،ان کا کہنا تھا کہ فارن فنڈنگ اور ہیلی کاپٹر کیس کا ملزم عمران خان ہے بنی گالہ کا محل چند لاکھ سے ریگولرزائز لیکن غریب کی جھونپڑی ناجائز تجاوزات سے گرا دئتے ہیں،ریاست مدینہ کا نعرہ لگانے والے شرم کریں، نیوزی لینڈ کی ٹیم چلی گئی جس کا مجھے بہت افسوس ہے۔

اسلام آباد(مانیٹرنگ ڈیسک) مسلم لیگ (ن) کے رہنما خواجہ آصف نے کہا ہے کہ اگر قیادت نے آپس کے جھگڑے ختم نہیں کیے تو پھرہم کبھی کام یاب نہیں ہو سکیں گے۔موجودہ حکومت کسی بھی وقت ختم ہوسکتی ہے، لیکن ہمیں اپنی صفوں میں اتحاد قائم کرنا ہوگا۔ ان خیالات کا اظہار انہوں نے راولپنڈی میں مسلم لیگ (ن) زیراہتمام ہونے والے ورکرز کنوینشن سے خطاب کرتے ہوئے کیا۔ اس موقع پر ان کا کہنا تھا کہ جھگڑے ہمارے عام کارکن کے نہیں بلکہ قیادت کے ہیں۔ اگر قیادت نے اپنے جھگڑے ختم نہ کیے تو پھر ہم کبھی بھی کام یاب نہیں ہوسکیں گے۔ انہوں نے کہا کہ کنٹونمنٹ کے الیکشن میں 73 فیصد ووٹ موجودہ حکم رانوں کے خلاف پڑا، اور ان انتخابات میں ن لیگ کی کامیابی عوام کے لیے کی گئی خدمت کا صلہ ہے۔ مسلم لیگ ن نے ہمیشہ عوام کی خدمت کی ہے، لیکن آئندہ انتخابات میں کام یابی کے لیے ہمیں اتحاد قائم کرناہوگا۔ ان کا کہنا تھا کہ گلگت بلتستان اور آزادکشمیر میں ہونے والے انتخابات شفاف نہیں تھے، عوام مہنگائی اور غربت سے تنگ آچکی ہے، موجودہ حکومت کابوریا بستر کسی بھی وقت گول ہوسکتا ہے، پاکستان میں انتخابات کسی بھی وقت ہوسکتے ہیں.


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain