اسلام آباد: (ویب ڈیسک) وزیرخارجہ شاہ محمود قریشی کا کہنا ہےکہ بھارت میں حجاب پہننے پر مسلمان طالبات کو دہشت زدہ کرنا سراسر ظلم ہے۔
ٹوئٹر پر ایک بیان میں وزیرخارجہ شاہ محمود قریشی کا کہنا تھا کہ باحجاب طالبات پرپابندی مسلمانوں کو الگ تھلگ کرنےکے بھارتی ریاستی پلان کاحصہ ہے، مسلم لڑکیوں کو تعلیم سے محروم رکھنا بنیادی انسانی حقوق کی سنگین خلاف ورزی ہے۔
ایک بیان میں وفاقی وزیر اسد عمر نےکرناٹک کی بہادر طالبہ مسکان خان کی بہادری کو سلام کرتے ہوئے کہاکہ بھارت کے حالات دیکھ کر قائد اعظم اور ان کے ساتھیوں کی قدر میں اضافہ ہوجاتا ہے۔
