کراچی: (ویب ڈیسک) اداکارہ یشما گل نے کہا ہے کہ خبروں میں ان رہنے کیلئے کسی کو تنقید کا نشانہ نہیں بناتی۔
ایک انٹرویو میں یشما گل نے کہا کہ اپنی محنت اور جدوجہد سے اس مقام تک پہنچی ہوں،ہمارے معاشرے میں اپنی اصلاح کے بجائے تنقید کی روایت عام ہو چکی ہے ،یشما گل نے کہا کہ میری اپنی زندگی کا تجربہ ہے کہ بہت سے لوگ دوستوں کی شکل میں آپ کے ساتھ ساتھ ہوتے ہیں لیکن وہ اندر ہی اندر آپ کی کامیابیوں پر حسد بھی کر رہے ہوتے ہیں ۔
انہوں نے کہا کہ میں نیک نیتی سے اپنے کام پر توجہ مرکوز کئے ہوئے ہوں او راسکا مجھے پھل بھی ملا ہے ۔ یشما گل کا کہنا تھا کہ اپنے کام پر توجہ رکھتی ہوں اگر فری وقت ملے تو اپنی فیملی کے ساتھ گزارنے کو زیادہ ترجیحی دیتی ہوں ۔
