کوئٹہ : (ویب ڈیسک) کوئٹہ میں سبزی کی قیمتوں میں ایک بارپھر 70روپے تک اضافہ ہو گیا جس کی وجہ سے شہریوں کی قوت خرید ختم ہو کر رہ گئی ہے۔
کوئٹہ میں مہنگائی کا بےلگام جن کسی کےقابومیں نہیں آرہا، سبزیوں کی قیمتوں میں پھرسےاضافہ ہونے لگا، شہرکےمختلف علاقوں میں ٹماٹر 100 سے 120 روپے، گوبھی 30 روپےاضافے کے ساتھ 80 روپے، بھنڈی 220 روپے، فراسبین 130 روپے، ادرک اور لہسن 400 روپے فی کلو فروخت ہو رہے ہیں، شہریوں کا کہنا ہے کہ دن بدن مہنگائی بڑھنے سےان کی معاشی مشکلات میں اضافہ ہورہا ہے۔
سبزیوں کےنرخ بڑھنے کی بنیادی وجہ پٹرولیم مصنوعات کی قیمتوں میں اضافہ ہے جس سےٹرانسپورٹ کرایوں سمیت دیگر اخراجات بڑھ گئے ہیں۔
آڑھتیوں کاموقف ہے شہرکے مختلف علاقوں میں بکنے والی سبزیوں کے نرخ سبزی منڈی کے مقابلے 70 فی صد زائد ہیں، بازار میں سبزی فروش زیادہ کمانے کے چکر میں مصنوعی گرانی بھی کرتے ہیں۔
کوئٹہ میں سبزی کی قیمتوں میں ایک بار پھر 70روپے تک اضافہ
