کون سا قانون کہتا ہے دہشت گردی کی آڑ میں آپ ایک صوبے پر قبضہ کرلیں؟ بیرسٹر علی ظفر

اسلام آباد(ویب ڈیسک) پی ٹی آئی کے سینیٹر و قانون داں علی ظفر نے کہا ہے کہ کون سا قانون آپ کو اجازت
دیتا ہے کہ دہشت گردی کی آڑ میں آپ ایک صوبے پر قبضہ کرلیں؟ ایک صوبائی حکومت کو ہٹادیں، ایک منتخب وزیراعلی اور کابینہ کو گرفتار کرلیں۔سینیٹ کے اجلاس میں انہوں نے کہا کہ محسن نقوی کو بتانا چاہتا ہوں کس طرح آئین کا شکار کیا گیا ہے، حکومت نے وزیراعلی، اسپیکر اور دیگر وزرا کو گرفتار کرلیا یہ آئین شکنی ہے، دہشت گردی کو شکست دینے کے معاملے پر ہم سب اکٹھے ہیں، لیکن دہشت گردی کے خلاف جنگ لڑتے لڑتے آئین کو ردی کی ٹوکر میں نہ پھینک دیں، کون سا قانون آپ کو اجازت دیتا ہے کہ دہشت گردی کی مد میں آپ ایک صوبے پر قبضہ کرلیں؟ آئین کی کون سی شق کہتی ہے کہ دہشت گردی کی مد میں ایک صوبائی حکومت کو ہٹا دیں؟ آئین اجازت نہیں دیتا گورنر راج یا ایمرجنسی کو ہتھیار کے طور پر استعمال کریں اگر بیرونی حملہ ہو تو ایمرجنسی لگائی جاسکتی ہے، آئین کہتا ہے اندرونی خلفشار ہو تو صوبائی اسمبلی قرارداد پاس کرے تو ایمرجنسی لگ سکتی ہے، آرٹیکل 232 اور 234 حکومت اپنی من مانی سے نہیں لگا سکتی