لاہور: (ویب ڈیسک) وزیراعظم عمران خان نے آسٹریلیا کے سابق سپنرشین وارن کے انتقال پررنج وغم کا اظہار کیا ہے۔
سماجی رابطے کی ویب سائٹ ٹویٹر پر وزیراعظم نے لکھا کہ دنیائے کرکٹ میں آنجہانی جینئیس لیگ سپنر،جنہوں نے لیگ سپننگ کی آرٹ کو نئی بلندیوں تک پہنچایا، کی کمی محسوس ہوگی۔
وزیراعظم نے کہاکہ کرکٹر شین وارن کے اچانک انتقال سے انہیں صدمہ ہواہے۔ شین وارن ایک جینئیس باؤلرتھے اورانہوں نے لیگ سپننگ کی آرٹ کونئی بلندیوں تک پہنچایا۔دنیائے کرکٹ میں ان کی کمی محسوس ہوگی۔
یاد رہے کہ 52 سالہ شین وارن ایک روز قبل تھائی لینڈکے علاقہ کوہ سموئی میں، جہاں وہ چھٹیاں منارہے تھے، دل کادورہ پڑنے سے انتقال کرگئے تھے۔
