لاہور: (ویب ڈیسک) جہانگیر ترین گروپ کے ترجمان سلمان نعیم نے کہا ہے کہ آنے والے دنوں میں ترین گروپ کی اہمیت کا اندازہ سب کو ہو جائے گا۔
وزیر خارجہ شاہ محمود قریشی کے بیان پر رد عمل دیتے ہوئے انہوں نے کہا کہ ترین گروپ کا پاکستان کی سیاست میں اہم کردار ہے۔
انہوں نے کہا کہ شاہ محمود قریشی ترین گروپ کے خلاف بیان دیتے ہیں جب کہ عمران خان ترین گروپ کو منانے میں لگے ہیں۔
ان کا کہنا تھا کہ شاہ محمود کو اپنی اہمیت کا اندازہ اگلے کچھ دن میں ہو جائے گا۔
