کراچی: (ویب ڈیسک) بین الاقوامی بلین مارکیٹ میں فی اونس سونے کی قیمت بڑھنے کے باعث مقامی صرافہ بازاروں میں فی تولہ سونے کی قیمت میں 1200 روپے کا اضافہ ہوگیا۔
بین الاقوامی بلین مارکیٹ میں فی اونس سونے کی قیمت 17 ڈالرز اضافے کے بعد 1942 ڈالر کی سطح پر پہنچ گئی، جس کے باعث پاکستان کے مقامی صرافہ بازاروں میں جمعرات کو فی تولہ اور دس گرام سونے کی قیمتوں میں بالترتیب 1200 روپے اور 1072 روپے کی کمی ہوئی۔
حالیہ اضافے کے نتیجے میں کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر ایک لاکھ 30 ہزار 150 روپے اور فی دس گرام سونے کی قیمت گھٹ کر 111583 روپے تک پہنچ گئی۔
اس کے برعکس فی تولہ چاندی کی قیمت بغیر کسی تبدیلی کے 1500روپے اور دس گرام چاندی کی قیمت بھی بغیر کسی تبدیلی کے 1286روپے کی سطح پر مستحکم رہی۔
