ریاض: (ویب ڈیسک) 4 مرتبہ کے عالمی چیمپئن ایف ون ڈرائیور سباسچئن ویٹل کا سفر کورونا خطرات کے باعث رکاوٹ کا شکار ہو گیا، سعودی عرب میں شیڈول کار ریس میں حصہ لینے کے امکان کم ہو گئے۔
موذی وائرس کے وار کھیلوں اور کھلاڑیوں پر جاری ہیں، فارمولا ون کے جرمن ڈرائیور سباسچئن ویٹل سعودی عرب میں ہونے والے کار ریس میں ممکنہ طور پر حصہ نہیں لیں گے۔
4 بار کے چیمپئن ڈرائیور گذشتہ ہفتے بحرین میں بھی شیڈول ریسنگ ایونٹ میں نمائندگی سے محروم رہے تھے، 25 مارچ سے جدہ میں شروع ہونے والی ریس میں سباسچئن ویٹل اِن ایکشن ہو سکیں گے یا نہیں، حتمی فیصلہ بعد میں ہو گا۔
