اپوزیشن پھنس چکی، سیاست کے فائنل راؤنڈ کیلئے 24 گھنٹے رہ گئے ہیں: شیخ رشید

اسلام آباد: (ویب ڈیسک) شیخ رشید نے کہا ہے کہ اپوزیشن پھنس چکی، عمران خان مقبول ہوچکے ہیں، سیاست کے فائنل راؤنڈ کیلئے 24 گھنٹے رہ گئے ہیں، ان 24 گھنٹے میں ہر گھنٹے بعد صورتحال بدلے گی۔
وفاقی وزیر داخلہ شیخ رشید نے اسلام آباد میں پریس کانفرنس کرتے ہوئے کہا کہ ملک کو آگے لے جانے کیلئے الیکشن کے علاوہ کوئی حل نہیں، ملکی حالات تشویشناک ہیں، منحرف ارکان اس قابل نہیں رہے کہ اپنے حلقوں میں جاسکیں، منحرف ارکان قوم کی کیا ترجمانی کریں گے، آصف زرداری کو صوبے میں لوٹ مار کا بھتہ پہنچ رہا ہے، فیملی نظام ملک کیلئے نمک کی کان ہے، بدقسمتی ہے چور باپ بیٹا وزیراعظم اور وزیراعلیٰ کیلئے امیدوار ہیں۔