گجرات: (ویب ڈیسک) ملک میں سیاسی جلسوں کی گہما گہمی عروج پر پہنچ گئی، پاکستان تحریک انصاف کے بعد پاکستان مسلم لیگ ن کی میدان میں آ گئی، صوابی کے بعد گجرات میں پاور شو کا انعقاد کیا جائے گا۔
پاکستان مسلم لیگ ن اٹک کی تحصیل فتح گڑھ، خیبرپختونخوا کے ضلع صوابی کے بعد گجرات میں کل پاور شو کرے گی جس کے لیے تمام انتظامات کو حتمی شکل دے دی گئی۔ لیگی نائب صدر مریم نواز کے جلسہ کیلئے 80فٹ لمبا اور 20فٹ اونچا سٹیج تیار کر لیا گیا۔
کارکنوں اور مہمانوں کیلئے 30ہزار کرسیاں اور لائیٹنگ کے انتظامات مکمل کر لئے گئے۔ مریم نواز اور وزیراعلیٰ پنجاب میاں محمد حمزہ شہباز اتوار شام 6بجے جلسہ گاہ پہنچیں گے۔
ڈی پی او گجرات کا کہنا ہے کہ پولیس کی جانب سے سیکیورٹی کے فول پروف انتظامات کر لئے گئے۔ 3 ہزار افسران و ملازمین سکیورٹی پر مامور ہوں گے۔
