لاہور : (ویب ڈیسک) ہائی کورٹ نے پولیس کو دعا زہرہ کے سسرال والوں کوہراساں کرنے سے روک دیا۔
تفصیلات کے مطابق لاہورہائی کورٹ میں دعا زہرہ کی ساس کی طرف سے ہراساں کرنے کیخلاف درخواست کی سماعت ہوئی، عدالت نے پولیس کو دعا زہرہ کے سسرال والوں کو ہراساں کرنے سے روک دیا۔
لاہور ہائی کورٹ نے کہا کہ سندھ ہائیکورٹ کے فیصلے کے مطابق دعا زہرہ جس کے ساتھ جانا چاہے جائے، عدالت نے دعا زہرہ کے پیش ہونے پر درخواست نمٹا دی اورسکیورٹی وجوہات پردعا زہرہ کو پولیس کی تحویل میں دے دیا۔
