کراچی: (ویب ڈیسک) پاکستان کے معمر ترین 70 سالہ شخص کے نسیم الدین کو گینیز ورلڈ ریکارڈ کی طرف سے 2 سرٹیفکیٹ موصول ہوگئے۔
کراچی سے تعلق رکھنے والے لوہار نسیم الدین نے ایک ہاتھ سے سیب توڑنے کے مقابلے میں انگلینڈ کو شکست دی تھی، انہوں نے 13 کے مقابلے میں 18 سیب توڑ کر شکست دی تھی۔
گینیز ورلڈ ریکارڈ نے نسیم الدین کی ویڈیو اپنے آفیشل پیج پر اپلوڈ کی ہے۔
خیال رہے کہ نسیم الدین نے پھر اپنے ریکارڈ کو 21 مرتبہ سیب توڑ کر مزید بہتر کیا تھا۔
نسیم الدین 70 سال کی عمر میں گینیز ورلڈ ریکارڈ بنانے والے پاکستان کی تاریخ کے معمر ترین ورلڈ ریکارڈ ہولڈر بن گئے ہیں۔
