اسلام آباد: (ویب ڈیسک) پاکستان تحریک انصاف کے ہیڈ آف میڈیا افیئرز فواد چودھری نے تجویز پیش کی ہے کہ پاکستان میں 17 یا 19 ایڈمنسٹریٹو یونٹس بنانے ہوں گے۔
سابق وفاقی وزیر اطلاعات و نشریات فواد چودھری نے یہ تجویز سماجی رابطوں کی ویب سائٹ ’ٹوئٹر‘ پر جاری کردہ ایک بیان میں دی ہے۔
فواد چودھری نے کہا کہ پاکستان میں بنائے جانے والے 17 یا 19 ایڈمنسٹریٹو یونٹس کو براہ راست مںتخب گورنر چلائیں۔
انہوں ںے واضح طور پر خبردار کرتے ہوئے کہا کہ اگر ایسا نہ ہوا تو پاکستان میں عام آدمی کے حالات برے ہی رہیں گے۔
پی ٹی آئی رہنما فواد چودھری نے کہا کہ کراچی میں پیپلز پارٹی کو 5 ہزار ووٹ ملے ہیں اور اس ووٹ بینک کے ساتھ پیپلز پارٹی کبھی بھی کراچی پر پیسہ نہیں لگائے گی۔
