جج محمد بشیر چھٹی پر، سابق وزیرخزانہ اسحاق ڈار احتساب عدالت نہ پہنچے

اسلام آباد: (ویب ڈیسک) جج محمد بشیر چھٹی پرہونے کی وجہ سے سابق وزیرخزانہ اسحاق ڈار آمدن سے زائد اثاثوں کے کیس میں خود کو سرنڈر کرنے احتساب عدالت نہ پہنچے، وزیرداخلہ رانا ثنا اللہ آئے اور بولے جب جج آئیں تب ہم بھی آجائیں گے۔
اسحاق ڈار کی پیشی کے پیش نظر احتساب عدالت کے اطراف سیکیورٹی کے انتہائی سخت انتظامات کئے گئے تھے، وزیرداخلہ رانا ثنااللہ مسلم لیگ ن کے رہنما اور آئی جی اسلام آباد عدالت پہنچے، جج کے چھٹی پر ہونے کے باعث وزیر داخلہ رانا ثنا ء اللہ اور مسلم لیگ ن کے رہنما احتساب عدالت سے واپس چلے گئے۔
دوسری جانب الیکشن کمیشن نے اسحاق ڈار کی نااہلی کیلئے اظہر صدیق کی درخواست پر سماعت ہوئی، ممبر سندھ نثار درانی کی سربراہی میں چار رکنی کمیشن کی سماعت کہ۔
جس میں درخواست گزار نے اسحاق ڈار کے خلاف درخواست واپس لے لی، معاون وکیل نے کہا کہ ہم ہائی کورٹ سے رجوع کریں گے۔ کمیشن نے کہا کہ آپ تحریری اسٹیٹمنٹ جمع کروا دیں۔