تازہ تر ین

پی ٹی آئی کا ممکنہ لانگ مارچ رواں ماہ کے تیسرے ہفتے میں ہونے کا قوی امکان

اسلام آباد: (ویب ڈیسک) پاکستان تحریک انصاف کا ممکنہ لانگ مارچ رواں ماہ کے تیسرے ہفتے میں ہونے کا قوی امکان ہے۔ جس کا اشارہ پارٹی چیئر مین کی طرف سے دیدیا گیا۔
سابق وزیراعظم کی زیر صدارت تحریک انصاف خیبرپختونخوا اور پنجاب کے ڈسٹرکٹ صدور اور سیکرٹریز کا اجلاس ہوا جس میں خیبرپختونخوا کے صوبائی صدر پرویزخٹک ، پنجاب کی صدر یاسمین راشد اور شاہ محمود قریشی نے شرکت کی۔
عمران خان نے لانگ مارچ کیلئے پارٹی عہدیداران کو سخت ہدایات جاری کرتے ہوئے کہا کہ ممکنہ لانگ مارچ میں عوام کی بھرپور شرکت یقینی بنائیں، حقیقی آزادی کو جہاد سمجھ کر اپنا حصہ ڈالیں، حقیقی آزادی اب نہیں تو پھر کبھی نہیں ہوگی۔
سابق وزیراعظم نے کہا کہ بتائیں آپ کا لانگ مارچ میں شرکت کے حوالے سے کیا پلان ہے، کیا تیاری ہے؟ ہم نے بڑے جلسے ضرور کئے ہیں مگر اب نچلی سطح کی قیادت تک کو محنت کرنا ہے، 9 اکتوبر کو 12 ربیع الاول کو زبردست، منفرد اور شایان شان طریقے سے منائیں، 16 اکتوبر کو 8 قومی اسمبلی اور 3 پنجاب اسمبلی کی نشستوں پر بھرپور محنت کریں۔
انہوں نے کہا کہ پنجاب کی تینوں نشستوں سے پی ٹی آئی کی حقیقی آزادی اور پنجاب حکومت بچانے کے لیے کامیابی ضروری ہے، پنجاب کی قیادت لانگ مارچ سے قبل اپنی تمام توجہ صوبائی ضمنی انتخابات پر مرکوز کرے۔


اہم خبریں





دلچسپ و عجیب
کالم
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain