اسلام آباد: (ویب ڈیسک) فارماسیوٹیکل کمپنیوں نے بخار کی 500 ملی گرام کی گولی کی قیمت کم کرکے 2 روپے 35 پیسےکرنے پر اتفاق کرلیا۔
اسلام آباد میں وفاقی وزیر خزانہ اسحاق ڈار کی فارماسیوٹیکل کمپنیوں کے سربراہان سے ملاقات ہوئی جس میں بخار کی گولی کی قیمت کا جائزہ لیا گیا۔
وزارت خزانہ کے مطابق فارماسیوٹیکل کمپنیوں نے بخار کی 500 ملی گرام کی گولی کی قیمت کم کرکے 2 روپے 35 پیسےکرنے پر اتفاق کیا ہے۔
وزارت خزانہ کا کہنا ہےکہ فارماسیوٹیکل کمپنیوں سے طے ہوا ہےکہ بخار کے سیرپ کی قیمت 117 روپے 60 پیسے فی بوتل ہوگی۔
وزارت خزانہ کے مطابق فارماسیوٹیکل کمپنیوں نے بخار کی ادویات کی تیاری شروع کردی ہے۔
