واشنگٹن : (ویب ڈیسک) عالمی مارکیٹ میں خام تیل کی قیمت 10 ماہ کی کم ترین سطح پر پہنچ گئی ہے۔
خام تیل کی قیمتیں کم ہونے کے بعد پاکستان میں بھی تیل سستا ہونے کا امکان پیدا ہو گیا ہے، برطانوی خام تیل 3.33 ڈالر فی بیرل سستا ہونے کے بعد 79 ڈالر فی بیرل کا ہو گیا۔
دوسری جانب امریکی خام تیل 2.68 ڈالر فی بیرل سستا ہوا ہے جس کے بعد نئی قیمت 74 ڈالر فی بیرل ریکارڈ کی گئی ہے۔
واضح رہے کہ پاکستان میں پچھلے 8 ماہ سے پیٹرول کی لیوی میں اضافہ جاری ہے جبکہ عالمی مارکیٹ میں کمی ہو رہی تھی، لیکن اب خبریں آ رہی ہیں کہ پاکستان نے سستے تیل کی خریداری کیلئے روس سے معاہدہ کر لیا ہے، جنوری اور مارچ کے دوران تیل پاکستان کو ملنا شروع ہو جائے گا۔
