کراچی: (ویب ڈیسک) کاروباری ہفتے کے چوتھے روز ڈالر کے مقابلے میں روپے کی بے قدری مسلسل جاری ہے۔
انٹر بینک میں ڈالر 4 پیسے اضافے کے ساتھ 226 روپے 41 پیسے پر بند ہوا جبکہ گزشتہ روز انٹر بینک میں ڈالر 22 پیسے اضافے کے ساتھ 226 روپے 37 پیسے پر بند ہوا تھا۔
اوپن مارکیٹ میں ڈالر کی قیمت میں استحکام دیکھنے میں آیا جس کے بعد 235 روپے65 پیسے پر فروخت ہوا جبکہ گزشتہ روز اوپن مارکیٹ میں ڈالر کی قیمت میں 60 پیسے کا اضافہ ریکارڈ کیا گیا تھا۔
