لندن: (ویب ڈیسک) برطانیہ میں شہری کو سگریٹ پینے کے بعد ٹکڑا سڑک پر پھینکنا مہنگا پڑ گیا۔
غیرملکی میڈیا کے مطابق گلوسسٹرشائر میں شہری الیکس ڈیوس کو سڑک پر کچرا پھینکنے پر مقامی کونسل کے حکام نے پاکستانی ڈیڑھ لاکھ روپے کے مساوی جرمانہ کر دیا ہے۔
عدالت کی جانب سے جرمانے کی ادائیگی کے نوٹس کے باوجود الیکس ڈیوس نے رقم ادا نہیں کی جس کے بعد ان پر مزید 250 پاؤنڈ جرمانہ اور دیگر سرچارج عائد کر دیئے گئے۔
حکام کا کہنا ہے کہ اب سڑک پر سگریٹ کا فلٹر پھینکنے والے شہری کو 558 پاؤنڈ جرمانہ ادا کرنا ہوگا، برطانیہ میں سڑک یا گلیوں میں کچرا پھینکنے پر جرمانے کا ایک مخصوص چالان ٹکٹ جاری کیا جاتا ہے جس کی رقم پہلے سے طے شدہ ہوتی ہے۔
سڑک پر سگریٹ کا ٹکڑا پھینکنے پر شہری کو بھاری جرمانہ
