اسلام آباد: (ویب ڈیسک) ورلڈ بینک کے کنٹری ڈائریکٹر نے کہا ہے کہ پاکستان میں عالمی بینک کے ممکنہ آپریشنز کی منظوری میں تاخیر کے حوالے سے عالمی بینک کے فیصلے کے بارے میں خبریں بے بنیاد ہیں۔
سماجی رابطوں کی ویب سائٹ ٹوئٹر پر ورلڈ بینک کے کنٹری ڈائریکٹر نے بیان جاری کرتے ہوئے کہا ہے کہ ہمارے تمام مجوزہ آپریشنز اور ان کی رقوم سے متعلق بورڈ کی منظوری کی تاریخیں واضح ہیں۔
ان کا مزید کہنا تھا کہ عالمی بینک مناسب طریقہ کار کے بعد اور مجوزہ منصوبوں کی تیاری کی بنیاد پر بورڈ کے غور و خوض کے لیے پروجیکٹ کی تجاویز کے تبادلے کے وقت کا فیصلہ کرتا ہے۔
