لاہور: (ویب ڈیسک) لاہور پریس کلب نے کوکا کولا کے تعاون سے پاکستان میں سیلاب متاثرین کو امداد دینے کیلئے موجودہ کوششوں کو بڑھانے کی ضرورت کو اجاگر کرنے کیلئے ایک تقریب کا انعقاد کیا ۔وزیراعظم کے معاون خصوصی فہد حسین مہمان خصوصی تھے۔لاہور پریس کلب کے صدر اعظم چوہدری اور کوکا کولا پاکستان کے نائب صدر فہد اشرف نے بھی شرکت کی۔تقریب سے خطاب کرتے ہوئے فہد حسین نے کہا کہ وزیراعظم شہباز شریف کی حکومت نے سیلاب سے متاثرہ افراد کے لیے 9 ارب امریکی ڈالر سے زیادہ کی امداد حاصل کی ۔ کوکا کولا جیسی کمپنیاں اور مجموعی طور پر نجی شعبہ نےبھی صوبائی حکومتوں کے ساتھ مل کر سندھ اور بلوچستان میں سیلاب زدگان کی مدد میں ایک اہم کردار ادا کیا ہے۔ کوکا کولا پاکستان کے نائب صدر فہد اشرف نے بتایا کوکا کولا 50 کی دہائی سے ہر قدرتی آفت کے بعد فوری طور پر غریب کی امداد کے لیے ہمیشہ اپنا کردار ادا کیا ہے۔ حالیہ سیلاب زدگان کی مدد کے لیے بھی کھانے کی حفاظت، پینے کے صاف پانی اور دیہی خواتین اور اقلیتی برادریوں پر خصوصی توجہ مرکوز کی۔ پانی کی عالمی خیراتی تنظیم انڈس ارتھ ٹرسٹ بونڈے شمس اور کوکا کولا ٹھٹہ سندھ کے ساتھ مل کر ایک جدید شمسی توانائی سے چلنے والا واٹر باکس نصب کر رہا ہے۔ اس جدید تکنیکی پلانٹ کے ذریعے پینے کے صاف پانی کی فراہمی کے ساتھ ساتھ پانی سے پیدا ہونے والی بیماریوں اور موسمیاتی تبدیلی کے خطرات سے بچنے میں مدد ملے گی۔چونکہ 90 فیصد پانی لانے کا کام خواتین کرتی ہیں اس لیے ان باکس کو پہیوں سے بھی لیس کیا جا رہا ہے ،جو انہیں سولر واٹر باکس سے آسانی سےگھروں تک پانی منتقل کرنے کے قابل بنائیں گے
