کراچی: (ویب ڈیسک) پاکستان سٹاک ایکسچینج میں آج کاروبار کے شروع میں مثبت آغاز ہوا ہے اور 100 انڈیکس میں 770 پوائنٹس کا اضافہ ہوا۔
سٹاک ایکسچینج میں 100 انڈیکس اضافے کے بعد 39,825.80 پوائنٹس پر پہنچ گیا، آج کے تجارتی سیشن میں 294 کمپنیاں حصہ لے رہی ہیں۔
واضح رہے کہ سٹاک ایکسچینج میں گزشتہ روز 100 انڈیکس کاروبار کے اختتام پر 612 پوائنٹس اضافے سے 39 ہزار 55 پوائنٹس پر بند ہوا تھا۔
کاروباری دن میں 100 انڈیکس 647 پوائنٹس کے بینڈ میں رہا، 100 انڈیکس کی بلند ترین سطح 39 ہزار 91 رہی۔
بازار میں17 کروڑ 97 لاکھ شیئرز کے سودے ہوئے، شیئرز بازار کے کاروبار کی مالیت 6 ارب 36 کروڑ روپے رہی، مارکیٹ کیپٹلائزیشن 68 ارب روپے بڑھ کر 6 ہزار203 ارب روپے ہو گئی تھی۔
