سینیئر کرکٹرز کے راز فاش کردیے تو لوگ کرکٹ دیکھنا چھوڑ دیں گے، عمر اکمل

اسلام آباد: (ویب ڈیسک) قومی کرکٹر عمر اکمل نے کہا ہے کہ اگر میں نے راز فاش کردیے تو ہماری عوام کرکٹ دیکھنا چھوڑ دے گی، ایسا نہ ہو کہ ہماری کرکٹ کا ہاکی سے بھی برا حال ہوجائے۔
سوشل میڈیا پر ایک پوڈکاسٹ میں انٹرویو دیتے ہوئے انہوں نے قومی ٹیم میں شامل نہ کیے جانے پر اظہار خیال کیا۔ انہوں نے کہا کہ پاکستان کی ڈومیسٹک کرکٹ کیلئے میں نے بِگ بیش اور بی پی ایل جیسی بڑی لیگز سے کروڑوں کی آفر ٹھکرائی۔ بڑی لیگز سے اگر ایک دفعہ منہ موڑ لو تو وہ پھر آفر نہیں کرتے۔
عمر اکمل کی وکٹ لینے پر عثمان قادر کے دکھائے پرچے پر کیا لکھا تھا ؟
عمر اکمل نے کہا کہ مجھے کہا جاتا رہا کہ ڈومیسٹک کرکٹ کھیلیں تاکہ نوجوان کرکٹرز آپ سے سیکھیں اور انہیں آپکی مثال دی جائے۔ اگر میں نے پاکستان کرکٹ کیلئے اتنی قربانیاں دی تو بدلے میں مجھے کیا دیا جارہا ہے؟
ایک سوال کے جواب میں انہوں نے کہا کہ مجھے خود نہیں معلوم کہ گِلے کس سے ہیں؟ اپنے بھائی کامران اکمل کے حالیہ بیان پر ان کا کہنا تھا کہ کامی بھائی کو جو بہتر لگا انہوں نے بیان دیا، جو مجھے بہتر لگے گا میں کروں گا۔
بھائی کو سیلکیٹ نہ کرنے پر کامران اکمل برہم
قومی ٹیم کے کپتان بابر اعظم کے جوتے نہ دینے کے حوالے سے انہوں نے کہا کہ ایسی کوئی بات نہیں، بابر بہت اچھا لڑکا ہے۔ میرا خیال ہے اگر بابر آن کیمرہ آکر بول دے کہ میں نے عمر اکمل سے جوتے مانگے تھے تو پھر میں جواب دہ ہوں گا۔
ایک ویڈیو میں ڈانس کرنے پر تنقید کا نشانہ بنانے کے سوال پر قومی کرکٹر کا کہنا تھا کہ میں اپنی بہن کی شادی یا کسی قریبی رشتہ دار کی تقریب میں انجوائے نہیں کروں گا تو کہاں کروں؟؟
عماد وسیم انٹرویو کے بعد بابر اعظم کے گلے لگ گئے
عمر اکمل نے مزید کہا کہ تنقید کرنے والوں میں اکثریت کرکٹرز کی ہی ہوتی ہے۔ یہ جو بولتے ہیں، میں نے انکے ساتھ بہت کرکٹ کھیلی ہے، انکے راز بھی میرے پاس ہیں۔ میں نے اگر راز فاش کیے تو انکی عزت نہیں رہے گی۔