اسلام آباد: (ویب ڈیسک) وزیر اعظم شہباز شریف کی زیر صدارت وفاقی کابینہ کا اہم اجلاس آج ہوگا۔
ذرائع کے مطابق وزیر اعظم کی زیر صدارت آج وفاقی کابینہ کا اجلاس ہوگا جس میں دو نکاتی ایجنڈے پر غور کیا جائے گا۔
ذرائع نے بتایا کہ اجلاس میں وفاقی کابینہ 16 مئی کے اقتصادی رابطہ کمیٹی ( ای سی سی ) کے فیصلوں کی توثیق کرے گی۔
ذرائع نے مزید بتایا کہ وفاقی کابینہ کے اجلاس میں وزارت داخلہ روڈ ٹو مکہ منصوبے پر شرکاء کو تفصیلی بریفنگ دے گی جبکہ اجلاس میں سیاسی اور معاشی صورتحال پر بھی تبادلہ خیال کیا جائے گا۔
