پاکستان مسلم لیگ (ن) کی چیف آرگنائزرمریم نواز نے آج عمر کی 5 دہائیاں مکمل کرلیں، وہ آج اپنی 50 ویں سالگرہ منارہی ہیں۔
مریم نواز کا شمار فیشن اور اسٹائلنگ سینس کے لیے انتہائی نمایاں پاکستان کی چند گنی چُنی اور مقبول خواتین میں ہوتا ہے۔
ان کے شعلہ انگیز بیانات کے ساتھ ساتھ اسٹائلنگ، ڈیزائنرز بیگ اور جوتوں سمیت ملکی فیشن برانڈز کے ملبوسات بھی سوشل میڈیا پر بھرپور توجہ حاصل کرتے ہیں اور بعض اوقات ان کے مہنگے ترین جوتے اور ہینڈ بیگز ان کی ٹرولنگ کا بھی باعث بنتے ہیں۔
مسلم لیگ ن کی سوشل میڈیا ٹیم نے مریم نواز کی سالگرہ بھرپور جوش وخروش سے منائی۔ شیئرکی جانے والی ویڈیوز میں سجاوٹ نمایاں ہے۔
مریم زیادہ تر مونوٹون ملبوسات کا انتخاب کرتی ہیں جو انہیں دوسروں سے مختلف بناتے ہیں۔ شدید گرمی میں عوامی جلسوں یا اجتماعات سے خطاب کے لیے بھی ان کی پہلی ترجیح ہمیشہ پیسٹل اور مونو ٹون ہی ہوتے ہیں۔
پاکستان کے گرم اور مرطوب موسم کو مدِنظررکھتے ہوئے یہ ملبوسات بہترین آپشن معلوم ہوتے ہیں۔
