آئی سی سی مینز کرکٹ ورلڈ کپ 2023 کے ناک آؤٹ مرحلے کے لیے فائنل 4 ٹیموں کا شیڈول سامنے آگیا ہے۔
اتوار کو نیدرلینڈز کے خلاف اپنے آخری میچ کے نتائج سے قطع نظر میزبان بھارت گروپ مرحلے کی درجہ بندی میں سرفہرست ہوگا۔
آخری لیگ میچ کے بعد روہت شرما الیون بدھ 15 نومبر کو ناک آؤٹ سیمی فائنل میں نیوزی لینڈ کا مقابلہ کرے گی۔
ممبئی کے وانکھیڈے اسٹیڈیم میں، جہاں بھارت نے ٹورنامنٹ میں سری لنکا کو 302 رنز سے شکست دی تھی، اس میچ کا آغاز پاکستانی وقت کے مطابق دوپہر ڈیڑھ بجے ہو گا۔
آئی سی سی کرکٹ ورلڈ کپ 2023 کے دو سیمی فائنل میچز بدھ 15 نومبر اور جمعرات 16 نومبر کو پاکستانی وقت کے مطابق دوپہر ڈیڑھ بجے کھیلے جائیں گے۔
پہلا سیمی فائنل میچ ممبئی کے وانکھیڈے اسٹیڈیم میں کھیلاجائے گا جبکہ دوسرا سیمی فائنل کولکتہ کے ایڈن گارڈن میں کھیلا جائے گا۔
ورلڈ کپ 2023 کے سیمی فائنل میں بھارت، جنوبی افریقہ، آسٹریلیا اور نیوزی لینڈ کی ٹیمیں شامل ہیں۔
ورلڈ کپ سیمی فائنل کا مکمل شیڈول
سیمی فائنل 1: بھارت بمقابلہ نیوزی لینڈ، 15 نومبر، ممبئی
سیمی فائنل 2: جنوبی افریقہ بمقابلہ آسٹریلیا، 16 نومبر، کولکتہ
