لاہور(کرائم رپورٹر )چوہنگ کے علاقہ میں گھر میں پر اسرار طور پر آگ بھڑک اٹھی جس کے نتیجہ میں ایک ہی خاندان کے 4افراد جھلس کر ہلاک ہوگئے اطلاع ملنے پر پولیس اور امدادی ٹیمیں موقع پر پہنچ گئی جنہوں نے نعشوں کو قبضہ میں لے کر پوسٹمارٹم کے لیے مردہ خانہ جمع کروادیا ۔تفصیل کے مطابق شاداب کالونی میں واقع ایک گھر میں رات گئے پر اسرار طور پر آگ بھڑک اٹھی جس نے دیکھتے ہی دیکھتے پورے گھر کو لپیٹ میں لے لیا جس کے باعث گھر میں موجود 2مرد ایک خاتون اور کمسن بچی بری طرح جھلس گئی چیخ وپکار سن کر اہل محلہ اکٹھے ہو گئے جنہوں نے ریسکیو کو اطلاع دی امدادی ٹیموں نے موقع پر پہنچ کر آگ پر قابو پاکر ہلاک ہونے والوں کی نعشیں قبضہ میں لے لیں پولیس کے مطابق بلڈنگ کو سیل کر کے تمام شواہد اکٹھے کیے جا رہے ہیں۔
