ہمارا سیارہ ایسے مقامات سے بھرپور ہے جو لگتا ہی نہیں زمین کا حصہ ہیں۔
جاپان کے دوسرے بڑے جزیرے ہوکائیدو میں واقع ایک ساحل ایسا ہی مقام ہے جو کسی جادوئی جگہ سے کم نہیں۔
San’in Kaigan GeoPark کے اس ساحل کی کچھ عرصے پہلے کی تصاویر سوشل میڈیا پر وائرل ہوئی ہیں جن کو ایک فوٹوگرافر Hisa نے کھینچا تھا۔
اس تصویر کو بعد میں ایک انسٹا گرام اکاؤنٹ میں پوسٹ کیا گیا جس کے نیچے لکھا تھا کہ ہوکائیدو کا یہ ساحل دنیا کے منفرد ترین مقامات میں سے ایک ہے، جہاں سمندر ریت اور برف سے ملتا ہے۔
San’in Kaigan Geopark کو 2010 میں یونیسکو گلوبل جیو پارکس کی فہرست میں شامل کیا گیا تھا۔
یہ جیو پارک مشرق میں کیوٹو جبکہ مغرب میں توتوری پریفیکچر تک پھیلا ہوا ہے۔
اس جیو پارک میں ریت کے ٹیلے، آتش فشاں، وادیاں، جنگلات اور ساحلی علاقے موجود ہیں۔
سال کے ایک مخصوص وقت پر ساحل کے قریب برف جم جاتی ہے۔
عموماً یہ منظر جنوری کے آخر اور فروری کے شروع میں دیکھنے میں آتا ہے۔
سوشل میڈیا پر وائرل تصویر بھی 2022 کی ہے جسے اب تک لاکھوں افراد لائیک کر چکے ہیں۔
اس ساحل کے قریب گرم پانی کا ایک چشمہ بھی ہے جس کے پانی کو مقامی رہائشی صحت کے لیے مفید قرار دیتے ہیں۔
