مشہور فلمی اداکارہ مہوش حیات اور اداکار طلحہ چاہور کے فوٹو شوٹ پر سوشل میڈیا صارفین نے شدید تنقید کی ہے، دونوں نے ایک میگزین کے لیے پرانے زمانے کا اندازاپنائے فوٹو شوٹ کروایا ہے۔
معروف پاکستانی اداکارہ مہوش حیات جو کہ پاکستانی فلموں میں جلوہ گر ہو چکی ہیں، اپنے آئٹم سانگز کی بنا پر بھی توجہ حاصل کر چکی ہیں۔
دوسری جانب اداکار طلحہ چاہور ہیں، جو کہ منت اور مراد ڈرامے میں جاندار اداکاری کے باعث صارفین کے دلوں میں گھر کر گئے ہیں۔
تاہم اب یہ دونوں اداکار صارفین کی تنقید کا نشانہ بنے ہوئے ہیں، ہوا کچھ یوں کہ دونوں اداکاروں کی جانب سے ایک میگیزین کے لیے فوٹو شوٹ کرایا گیا تھا۔
جس میں اداکار طلحہ چاہور اور مہوش حیات ہالی ووڈ کے پرانے زمانے کے اسٹائل کو اپنائے ہوئے تھے، سیاہ رنگ کے لباس پر مہوش حیات کا سلور رنگ کا ہار سب کی توجہ خوب سمیٹ رہا تھا۔
جبکہ اداکار طلحہ پینٹ شرٹ پہنے ہوئے تھے جبکہ مونچھیں اور ماتھے پر آتی زلف انہیں مزید پُرکشش بنا رہی تھی، تاہم ایک فوٹو شوٹ میں اداکار نے سفید رنگ کی شلوار کمیز زیب تن کی ہوئی ہے جبکہ اداکارہ نے سفید رنگ کا لباس پہنا ہے۔
فوٹو شوٹ میں اداکار تو بیڈ کے کنارے زمین پر بیٹھے ہیں تاہم اداکارہ بیڈ پر لیٹی ہیں، اس فوٹو شوٹ پر صارفین کی جانب سے شدید تنقید کی جا رہی ہے۔
ایک صارف طیبہ سجاد کہتی ہیں کہ مجھے آج تک ایسے فوٹو شوٹس کی سمجھ نہیں آئی۔ جبکہ ایک اور صارف نے لکھا کہ لڑکے اور لڑکی کی ڈریسنگ میں زمین آسمان کا فرق کیوں ہے؟
دوسری جانب افراہ الطاف نے لکھا کہ کس طرح فیمینیزم کے آیڈیا نے عورت کو برباد کر دیا۔
تنقید کا نشانہ بناتے ہوئے صارف نے لکھا کہ یہ کس دنیا میں ہوتا ہے۔
فیا راؤ نامی صارف نے لکھا کہ لڑکے کو بھی آدھے کپڑے پہناتے، صرف عورتوں کے کپڑوں کے اتارنے ہیں بس۔
