لاہور پولیس نے کہا ہے کہ شہر میں گزشتہ سال کی نسبت جرائم کی شرح میں 30 فیصد تک کمی ہوگئی۔
پولیس رپورٹ کے مطابق سال 2023 مارچ میں سنگین جرائم کی 4894 وارداتیں رپورٹ ہوئیں جس کے مقابلے میں 2024 مارچ میں سنگین جرائم کی 3060 وارداتیں رپورٹ ہوئیں۔
گزشتہ سال ڈکیتی مزاحمت پر 4 قتل جبکہ اس سال ایک ہوا۔ موٹرسائیکل چوری کی وارداتیں گزشتہ سال 2448 تھیں جو اس سال 1787 پر آگئیں۔
کارچوری کی وارداتیں 56 سے کم ہوکر اس سال مارچ میں 43 ہوئیں۔ رابری کی وارداتیں 1975 سے کم ہو کر 894 رہ گئیں ۔
پولیس رپورٹ کے مطابق اس سال مارچ میں اغوا برائے تاوان کی کوئی واردات رپورٹ نہیں ہوئی۔ موٹرسائیکل چھیننے کی وارداتیں بھی 169 سے کم ہوکر 135 ہوگئیں۔
