اسرائیلی جنگی جرائم جہاں دنیا بھر کی توجہ حاصل کر رہے ہیں وہیں اب عالمی عدالت انصاف میں معروف برطانوی نژاد لبنانی بیرسٹر امل کلونی نے غزہ میں جنگی جرائم کے خلاف ثبوت جمع کرا دیے ہیں۔
عالمی میڈیا کے مطابق امل کلونی کی جانب سے عالمی عدالت انصاف میں فلسطین میں انسانیت سوز عمل اور جنگی جرائم کے خلاف ثبوت جمع کرا ئے گئے ہیں، جن کی بنیاد پر عالمی عدالت انصاف کو فیصلہ لینے میں آسانی ہوئی ہے۔
امل کلونی کے پیش کردہ ثبوتوں کی بنیاد پر ہی آئی سی سی کی جانب سے اعلیٰ اسرائیلی وزیر اعظم نیتن یاہو اور حماس کے لیڈران کے وارنٹنس جاری کر دیے ہیں۔
ہائی پروفائل بیرسٹر امل کلونی کی جانب سے کلونی فاؤنڈیشن برائے انصاف پر ایک پوسٹ اپلوڈ کیا گیا تھا جس میں امل کی جانب سے بیان دیا گیا ہے۔
اس بیان کے مطابق پروسیکیوٹر کریم خان کی جانب سے ایکسپرٹ پینل جوائن کرنے کی دعوت دی تھی، جس کا کام غزہ میں انسانی حقوق کی خلاف ورزی اور جنگی جرائم کے خلاف ثبوت اکھٹا کرنا تھا۔
واضح رہے امریکی اداکار جیورج کلونی اور ان کی اہلیہ بیرسٹر امل کلونی کی جانب سے سماجی حقوق کی تنظیم بنائی گئی ہے، جبکہ دونوں میاں بیوی پر سوشل میڈیا پر غزہ میں انسانیت سوز واقعات پر نہ بولنے پر بھی تنقید کی جا رہی تھی۔
جبکہ اسرائیلی وزیر اعظم نیتن یاہو سے متعلق امل کلونی کا کہنا تھا کہ نیتن یاہو اور گیلنٹ بھی زمینی حقائق کی بنا پر قصور وار ہیں، دونوں لیڈران نے جنگ، قتل و غارت اور ظلم و ستم کے لیے بھوک کے طریقہ کار کو اپنایا اور فلسطین میں غذائی قلت کو پیدا کیا۔
