شاہ رخ خان ان دنوں اپنی بیٹی سہانا خان کے ساتھ نیویارک میں چھٹیاں گزار رہے ہیں اور ان کی ایک ساتھ شاپنگ کرتے ہوئے تصاویر نے سوشل میڈیا پر دھوم مچا دی ہے۔
دونوں باپ بیٹی پہلی بار سوجائے گھوش کی فلم ‘دی کنگ’ کی اسکرین پر ایک ساتھ نظر آئیں گے۔
وائرل تصاویر میں شاہ رخ کو سہانا خان کے ساتھ ایک جوتوں کی دکان پر دیکھا گیا جہاں وہ جوتوں کا جوڑا آزماتے نظر آ رہے ہیں۔
اداکار نے سرمئی ٹی شرٹ، نیلی جینز اور سر پر کیپ پہنی ہوئی ہے ساتھ ہی ان کا ٹریڈ مارک پونی ٹیل ہیئر اسٹائل بھی نمایاں ہے۔
ایک اور تصویر میں وہ سہانا کے ساتھ اسٹور میں چہل قدمی کرتے نظر آ رہے ہیں، جنہوں نے پھولوں کے پرنٹ والا لانگ ڈریس پہن رکھا ہے۔
اس سے اگلی دھندلی تصویر میں شاہ رخ ایک مداح کو آٹوگراف دیتے نظر آ رہے ہیں۔
کچھ عرصہ قبل شاہ رخ خان نے اپنے اگلے ایکشن ڈرامے دی کنگ کی تصدیق کی تھی، جس میں سہانا بھی نظر آئیں گی۔
اس فلم کے بارے میں کئی مہینوں سے قیاس آرائیاں کی جا رہی تھیں، شاہ رخ نے ایک ویڈیو کے ذریعے دی کنگ کی تصدیق کی تھی جس میں انہیں اسٹڈی ٹیبل پر رکھے اسکرپٹ کے ساتھ دیکھا گیا تھا۔
کہا جا رہا ہے کہ اس فلم میں شاہ رخ ایک گینگسٹر کے کردار میں نظر آئیں گے جب کہ سہانا ان کی معاون کا کردار ادا کریں گی۔
فلم فی الحال پری پروڈکشن کے مرحلے میں ہے، توقع ہے کہ سال کے آخر میں اس کی شوٹنگ کا آغاز ہوگا اور 2025 میں یہ سینما اسکرینز کی زینت بنے گی۔
سہانا نے زویا اختر کی فلم دی آرچیز سے بالی ووڈ میں قدم رکھا تھا، اس فلم نے بونی کپور اور سری دیوی کی بیٹی خوشی کپور اور امیتابھ بچن کے پوتے اگستیہ نندا جیسے دیگر اسٹار بچوں کو بھی لانچ کیا گیا تھا۔
