پاکستان شوبز انڈسٹری کی اداکارہ اور ماڈل مایا علی کے حالیہ فوٹو شوٹ نے انہیں دوسری دنیا کی مخلوق ہونے کا لقب دلوادیا۔
ڈراما سیریل ’من مائل’، درِشہوار،عون زارا اور ’اِک نئی سنڈریلا‘ سے ڈراما انڈسٹری میں شہرت کی بلندیوں کو چھونے والی اداکارہ مایا علی ان دنوں انڈسٹری پر راج کر رہی ہیں۔
مایا علی کی وجہ شہرت صرف اداکاری ہی نہیں بلکہ انکا فیشن سینس بھی ہے جو مداحوں کے دلوں پر انہیں راج کرواتا نظر آتا ہے۔
اسی فیشن سے وابستہ مایا علی نے حال ہی میں ایک ایسا فوٹو شوٹ کروایا جس نے منظر عام پر آتے ہی مداحوں کی تعریفیں سمیٹنے کے بجائے انہیں شدید مایوس کردیا۔
فوٹو اینڈ ویڈیو شیئرنگ ایپ انسٹاگرام پر مایا علی نے پوسٹ شیئر کی جس میں انہیں مغربی انداز اپناتے ہوئے سنہری کوٹ کے ساتھ سفید شرٹ اور سیاہ اسکنی زیب تن کیےدیکھا گیا۔
مذکورہ لباس کےساتھ اپنے لک کو مکمل کرنے کیلئے اداکارہ نے بالوں کو بھی عجیب و غریب اسٹائل دیا ہوا تھا۔
جیسے ہی تصاویر سوشل میڈیا کی زینت بنیں مداحوں کی جانب سے عجیب و غریب تبصرے شروع ہوگئے۔
مایا علی کے منفرد اسٹائل کو دیکھنے کے بعد کسی نے انہیں ہالی وڈ اداکارہ سے تشبیہ دی تو کوئی مایا علی کو بھارتی اداکارہ ادیتی راؤ حیدری سے ملاتا نظر آیا۔
صرف یہی نہیں بلکہ مایا علی کے اس فوٹو شوٹ کو دیکھ کر کئی مداح غم و غصے میں مبتلا دکھائی دیے جسکا ثبوت انکے تبصروں میں موجود تھا۔
صارفین کا کہنا تھا عائزہ خان کے بعد اب مایا علی بھی احساس کمتری کا شکار ہوگئی ہیں۔
ایک صارف کا لکھنا ہے کہ میں جب سو کر اٹھتی ہوں تو میرے بال ایسے بکھرے ہوئے ہوتے ہیں جبکہ کچھ کا کہنا ہے کہ مایا علی یہ فوٹو شوٹ کروا کر کسی دوسری دنیا کی مخلوق بننے کی کوشش کی ہے۔
یہاں تک کہ ایک صارف نے مایا علی کو خطرناک زومبی بھی قرار دے دیا۔
