لاہور: پاکستان کی خوبرو اداکارہ مہوش حیات نے اپنی نئی انسٹاگرام پوسٹ میں خواتین کیلئے اپنے خیالات کا اظہار کیا ہے۔
اداکارہ نے انسٹاگرام پر اپنی ایک خوبصورت بلیک اینڈ وائٹ تصویر پوسٹ کی جس کو مداح بہت زیادہ پسند کررہے ہیں۔
تصویر کے ساتھ مہوش حیات نے کیپشن لکھا کہ یہ تاثر درست نہیں ہے کہ خواتین دن بدن بے رحم ہوتی جارہی ہیں۔
انہوں نے لکھا کہ خواتین اس بات سے زیادہ سے زیادہ آگاہ ہورہی ہیں کہ وہ کس چیز کی مستحق ہیں اور ان کے ساتھ کیسا سلوک ہونا چاہئے۔
اداکارہ کے بیان کو مداح بہت زیادہ پسند کررہے ہیں اور ان کی خوبصورتی کی بھی تعریف کرتے نظر آتے ہیں۔
